相比起周柏豪，真係好掛住「我們的視帝」林峯！ 精選

小編我已經有好幾日冇睇到《使徒行者2》，因為我知之後黃翠如同周柏豪戲份開始重，到依家我都諗唔明點解無線會搵兩個做戲出名非常生硬既人拍男女主角...好啦，但呢啲都唔到我去理，總之間唔中袁偉豪show下肌肉都算有啲野睇。

係我先咁順攤咋，網民就睇到眼火爆喇。因為前幾集講到周柏豪既大佬Pak key黃德斌，用左毒品黎交換歡喜哥許紹雄返黎，點知比買家尋仇就黎死。最後周柏豪明明見住佢大佬死依然冇咩表情咁樣，眼淚可以用滴黎做單位。或者周柏豪有男神偶像包袱 (先利申唔係我覺得)，搞到做戲好唔自然，喊定係嬲都有就住就住既感覺，或者佢怕自己拍出黎既樣貌唔好睇多過有冇感動到人啦。

▼係咁喘氣，又唔喊


▼同埋最搞笑既一點係，周柏豪個樣愈來愈怪....我講緊個鼻哥窿！唔知點解比起初出道嗰陣大左好多，搞到我都唔好意思望住佢


先利申：我一直都冇踩過林峯，由以前已經一直讚佢

總之因為周柏豪戲太屎喇，好似讀對白出黎咁，依家啲網民又開始吹捧林峯，話佢返黎做爆seed仲入型入格。不過依家諗返之前林峯做戲的確冇人話，只係唱嗰首《chok》同亞太區歌手比人笑，蓋過左演藝上既成就。不過依家講咩都冇用，因為林峯都已離開無線，而緋聞女友鍾嘉欣亦都做左人妻。
以前林峯話就話比人詬病首《chok》，但事實上佢喺劇裡面一啲都唔chok，反而無論佢喺《大唐雙龍傳》做型爆既霸主寇仲；同鍾嘉欣喺《家好月圓》做小情侶；扮專業人士；定係爆seed好激動咁攬住釘姐都好，啲戲都滲到出黎。同埋佢一入行做戲已經好好彩，參演到《尋秦記》既奸人贏政，令人開始留下深刻印象，之後就一直拎獎稱帝。

▼《大唐雙龍傳》


▼《家好月圓》


▼《談情說案》


▼《使徒行者》


我地睇返林峯差唔多年年拎獎，對佢演技有一定程度既肯定，唯獨係冇無線既視帝：

1. 2003年飛躍進步男藝員——《律政新人王》樂斌
2. 2004年馬來西亞視帝——《大唐雙龍傳》寇仲3. 2006我最喜愛電視男演員金獎——《女人唔易做》齊寬
4. 2007年內地觀眾最喜愛TVB男藝人——《歲月風雲》華振邦
5. 2008年亞洲視帝——《太極》段曉星
6. 2008年我最喜愛的電視男角色——《溏心風暴之家好月圓》心
7. 2009年新加坡視帝——《溏心風暴之家好月圓》心
8. 2009年馬來西亞視帝——《溏心風暴之家好月圓》心
9. 2009 年美國紐約電影電視節最佳演繹角色組別優異獎——《太極》段曉星
10. 2010年我最喜愛的電視男角色——《談情說案》Kingsley
11. 2010年新加坡最喜愛的電視男角色獎——《談情說案》Kingsley
12. 2010年馬來西亞最喜愛的電視男角色獎——《談情說案》Kingsley13. 2013年華鼎獎視帝

仲有林峯係難得一個男人又有錢、靚仔、大隻、對女朋友勁好(送樓送袋包旅行洗費)、極少緋聞、唱歌好聽、做戲掂、對TVB忠心、設計演唱會認真、對歌迷好......如果比我投胎希望可以做到林峯個女，之後同佢亂倫 (大誤)。

其實網民既批評都係好事黎既，新人啱啱做戲總係逃不過比人鬧既局面架啦，當係磨練，等佢有朝一日明白做戲既真締就會同林峯一樣上到神枱架喇。