男朋友對住第二個女仔打飛機，但嗰個女仔係我朋友 精選

我絕對唔係一個專制既女朋友，男朋友同女仔朋友傾偈、食飯冇問題；睇A片、打飛機 、J女優冇問題....只要佢事先同我講而我又同意，呢啲問題就唔會變成問題。但有一件事就算佢坦白話我知，我都接受唔到，佢突然問我：「你係咪有個朋友叫Amanda？佢又大波又腿幼又瘦又樣Sweet又淫，真係好正。」以上既說話我都認同，因為Amanda就係咁完美既人。我知男朋友自從識我之後都有睇開Amanda啲相，只係近排佢比前男朋友放左啲裸照同自慰片段上去討論區，男朋友咁啱見到，所以就講起，當時我都不以為然。



不過可能我將佢既說話諗得太簡單，以為嗰句單純只係讚美既意思。直至有次我沖沖下涼冇帶毛巾想入房拎返，點知意外發現佢向住我朋友啲泳衣相打j......我嗰陣第一秒唔係覺得佢好過份，而係諗係咪自己身材唔夠好、樣唔夠靚。女優做佢性幻想對象都唔會話驚，因為女優好似明星咁唔會觸碰到，但點解偏偏佢揀左我既朋友？我每日制止唔到自己喺度回帶返佢射出黎嗰個樣，可能佢成個腦幻想緊點樣搞我朋友，我真係接受唔到！

終於我忍唔住問佢：「點解你咁多個女優唔J，係要J我朋友？」


佢當時好激動咁話我白痴、低能、慈禧太后，不斷問我有咩問題。事後我又真係攝高枕頭反省究竟係咪自己太保守，當時我唔想話比Amanda知，到時佢覺得咁核突可能朋友都冇得做。之後呢件事擺左喺我個心度成個禮拜，我同男朋友出街次數愈來愈少。佢唔係話忙，就話要返屋企食飯，下，佢每日都要食飯，點解連一日都唔肯抽出黎比我，同我食？Whatsapp十問九唔應，我嗰陣好自責，一定係我嗰次鬧完佢，佢耿耿於懷。

「對唔住呀，我唔應該阻止你J邊個。」

兩個剔，已讀。唉，睇黎佢好介意嗰件事，唯有等佢下左啖氣先啦。

過左幾個月時間，我喺Instagram見到男朋友同Amanda拖住手既相，嚇到冼手跌爛左電話個mon。我即刻打比佢，36次，應該係36次，足足36次佢都冇接聽過。每次我都只係聽到一把女人聲：「嘟嘟嘟嘟....你依家所打既號碼暫時未能接通，請喺.....」
嗰幾日我好絕想，困左自己喺屋企齋食杯麵。係我唔比佢J所以搞到佢嬲起上黎同左Amanda一齊，定係佢J之前佢地已經有路？呢個問題唔會有答案，只係我每分每秒好似著左魔咁不停問自己。面上面既眼淚乸痛我，又腫到好似個包咁，嗰段時間可以話係一個廢人。

好彩依家我已經放低左件事，因為我遇到呢個男人，佢會講曬佢身邊既女仔朋友既名比我知，又唔會失蹤唔見人，最重要係佢唔會J我朋友。我問佢點解唔J我朋友？我啲朋友唔正咩？佢話覺得我最正，哈哈，咁都講得出既。所以，勸喻大家一句：如果一見到你男朋友J你朋友，一定有問題。