簡淑兒新廣告似咒怨，網民負評插整容 精選

(原諒我用口語講先可以表達我既感受)

話說琴晚我凌晨喺尖沙咀諗住返屋企，不過住新界啲車一早開曬，唯有行去美麗華對面搭270s。等等下車feel到有人喺背後望住我咁，點知一擰轉頭我真係嚇親，有個好咒怨feel既poster擺左喺巴士站度。個樣仲好似殺左佢全家咁，咁猙獰。

我心諗邊個人咁大整估喺度嚇人，原來係「夢幻誅仙」新手機game搵左簡淑兒做代言人....



問題係隔離睡眠眼膜個女仔仲好地地，Kawaii呢，相反佢咁啱冇燈照住，整到成個鬼片宣傳海報咁就出曬事。我上網諗住睇下有冇人同我一樣嚇親，發現苦主為數不少，好多仲負評呢個廣告，證明港男唔係係女都啱。

其實簡淑兒一開始喺《3日2夜》既日本妹look好多人buy，覺得佢好可愛、好gable。不過到佢喺《愛回家》客串、《迷》做大塊田個女之後，慢慢先覺得佢個樣好似怪怪地...又講唔出咩怪，直到有網民post左木村托哉呢張日劇相我先恍然大悟。



但簡淑兒強烈否認自己整容，仲拎左以前另一批相出黎力證。UMM...除左開左眼頭之外 (因為正常眼頭係圓形，開左刀既眼頭先會尖角)，其他可能真係冇咩分別啦，但冇整容都咁樣，究竟係好事定壞事？同埋好明顯今次間公司整鬼佢啦，做其他動作唔得，係要冇表情咁望住前面？真係好難控制自己唔比負評架喎。拿，計我話整唔整容唔係重點，重點係你個樣真係唔太適合冇表情.....笑多啲可能會好啲...我諗。

對於簡淑兒呢個新造型，你又覺得點呢？(法官大人jpg.)