乖巧清純既女生就是無敵！架純同結衣type最得男生歡心 精選

好多人都問我究竟點先得男仔中意呢？艷麗、性感、可愛、清純咁多type，其實清純鄰家feel就係最正，如果要舉例既話應該為有村架純同新垣結衣呢啲。

可能你會話，咩呀佢地身材都唔係好勁架喎，男人唔係中意大波架咩？係，男人係中意.....睇大波姐，真係要揀既話就算身材唔太勁都冇所謂。講白啲，大波又性感既女仔冇錯係會挑起性慾，但極少只為左身材而同佢認真拍拖，反而個樣、氣質比起身材更重要。假如一個大波女仔成日特登著啲好暴露既衫，身為男朋友其實絕對唔中意。男人會覺得人地著就得，自己女朋友梗係收埋比自己睇啦。

咁靚到dum一聲又點呢？ig女神、模特兒呢啲咁靚夠曬喇掛....原來又唔係架喎！通常勁靚既女仔身邊都有好多比你更高條件既男人圍住佢轉，而女神咁正會唔會show你呢？就算真係show你，身為男人又會怕佢比人搶走，比綠帽自己戴。

事實上個樣無添加，靚靚地，平時好中意笑既女仔先得人中意。係男人都中意望落去乖巧、清純既女仔，佢地就好似一張白紙咁無瑕，呢啲先真無敵。如果想再屈機啲，喺外面就好清純，得返兩個人嗰陣就小野貓咁既話，包保邊個男人都會投降。