自陳浩南聶風創神話，鄭伊健真係會令人甘拜下風 精選 推薦

鄭伊健呢個人真係好型棍，仲係一個神話，當年佢《古惑仔》陳浩南入型入格，喺啲男人心目中創左一個新「榜樣」，個個都想做到好似佢咁霸氣！而女仔又因為佢有型、幾靚仔而冧佢 (辜勿論呢啲女粉絲係咪真係知道古惑仔係講咩啦)。想當年佢上位既時期係1996至1999年，正值四大天王搵夠嗰陣，所以成功取代劉華既地位，冇人唔識得佢就係陳浩南。



之後《風雲》既聶風好似為佢而設咁，個外型好正，所以鄭伊健單單呢兩套作品就可以比自己食足一世，紅遍全球既情況下令佢開親show都係爆曬場。如果佢努力啲咁拍戲，我諗佢啲錢食到下世都未食完。


除左佢既上位路令人好葡萄之外，佢平時求其著一件衫都好好睇，求其唱一首歌都好入耳，呢樣先係恐怖既地方。不過佢最威就係食到三個女人，梁詠淇Gigi、蒙嘉慧同邵美琪，佢既魅力更加搞到兩個女人爭佢爭到你死我活添。




鄭伊健既人生對比起其他人真係好幸運，神一般的男人。