好掛住新城市噴水池、哈廸斯!呢啲香港人嘅集體回憶會淚崩

純情跟蹤狂 於 11/08/2016 發表 收藏文章
依家人大左成日都會諗返起以前.....

以前成日都覺得大個左好呀唔使比老母管住曬,又可以賺錢買電話瘋狂send sms (以前喺學校send得太明顯,比呀sir發現之後一手掟落地下爛左)。不過到左真係大個左嗰陣,頃時發現呀媽既頭髮開始疏落、斑白,原本熟悉既設施同物件紛紛變成現代人所謂既「集體回憶」。甚至細個嗰陣街坊熟到會幫呀媽手湊住我、人同人好親密既呢種感覺都好似慢慢消失。


諗起細個嗰陣,我地既娛樂真係唔多,莫講話先進產物——電腦,我地既手機仲係停留喺貪食蛇、俄羅斯方塊呢啲黑白遊戲!所以其實冇乜人會隨街拎住個電話禁禁禁,多數都係返工、返學會問人咩台,然後send sms咁樣過日晨。不過,除左電子產品,我諗自己玩我最多一家係康樂棋!

識玩之人就會知道其實木棋易入啲,膠棋尤其係貼邊既就難啲。


再細個啲就冇可能唔提屯門兆康苑停車場上面平台既呢個火車,真係啲回憶返曬黎,嗰陣覺得呢個遊樂場好高。


大個少少嗰陣識得「出城」,都會經過沙田新城市既音樂噴水池,當時仲係舊式既商場設計,依家就「現代化」左好多!噴水池已經消失左。


當然唔少得近來又比人拎返出黎講既西九龍過山車,佢曾經有亞洲最刺激既室內過山車之稱號架。


歡樂天地絕係係七、八、九十後既集體回憶,裡面有旋轉木馬、碰碰車、小火車、小型過山車等等,拍拖黎呢度啱曬,不過佢喺1999年已經全線結業喇。


以前我仲會去屋企樓下既圖書館借書,圖書館內每本圖書後面都有一張卡,每次借書,圖書館職員就會將張卡拎出黎插喺借書證裡面。見到呢張借書卡唔知點解少少想喊....如果唔係中意睇書,或者小編我就唔會入呢行了。


如果講野食,我就好記得哈廸斯既肉醬意粉同肉醬熱狗!KFC同麥當勞都唔係呢個味同呢種感覺。



又一城呢個熱帶雨林餐廳就比較新,喺2003年因為租約期滿而關閉。雖然我唔記得裡面係食咩,但係呢隻象就好深刻!

留言


請按此登錄後留言。未成為會員? 立即註冊
    快捷鍵:←
    快捷鍵:→