以為是一對，其實沒可能的TVB螢幕情侶 精選

「TVB筍盤」馬國明在訪問中承認唐詩詠是他的擇偶標準，強顏歡笑地祝福「契妹」及洪永城的戀情，希望洪永城可以照顧她。但其實我們都知道，所謂的契兄弟姊妹只不過是想拉近距離的技巧，最終渴望借這個關係跟意中人一起

娛樂圈當中其實有不少螢幕情侶深受網民喜愛及支持，不過愛情是不能勉強的，很多都是落得「分手」的下場。

1. 馬國明 唐詩詠
TVB旅遊節目《有乜好過去camping》中二人的親密舉動令人充滿幻想空間，大家都認為他們是「絕配」。雖然馬明有心，但神女無意，她最終選擇了洪永城，以兄妹表示與馬明的關係。

2. 洪永城 黃翠如
他們在《走過浮華大地》中已經備受觸目，網民一直認為他們是一對。直至二人拖手行紅地毯，被大家激讚sweet及登對後，洪永城大膽表白「我對佢付出咗無限咁多嘅愛，好可惜佢最後揀咗Edwin(蕭正楠)。」令到緋聞愈來愈多人討論。更有網民代入洪永城，在討論區寫下潮文：

引用「人越大越發現成班八婆一齊就好多是非，
有時同男仔做朋友簡簡單單仲開心，於是你同佢開始變成特別friend嘅兄弟，
就好似《我可能不會愛你》嘅李大仁同程又青咁。
兩個人出雙入對，到身邊嘅朋友都驚訝：『下？乜你哋仲未一齊？』

「有一刻你諗過，你哋究竟仲係唔係普通朋友咁簡單，但見佢冇乜表示。有次傾起擇偶條件，佢嘅理想型同你差十萬九千里咁遠，『溫柔體貼、賢良淑德，最好就識煮嘢食』。你自問自己十分粗魯，煮嘢食喎，唔炸爛個廚房都偷笑。的確佢係對你特別好，但都係唔好諗咁多，人哋要追就一早追咗。

「洪永城知道咗你同蕭正楠一齊，一如以往地恥笑你：終於有人要嗱？不久之後，佢都有個唐詩詠，你個心有少少唔舒服。你開始明白一樣嘢，呢個人係你心目中，總係有一個特別嘅位置，唔能夠被任何人取代。你選擇停留於呢種關係，可能係因為習慣，亦可能係因為唔想失去、唔想受傷。

「情節嚟到呢度，《我可能不會愛你》嘅李大仁同程又青兜兜轉轉，發現其實自己鍾意對方，最後都係大團圓結局。不過咁戲劇化嘅野就只會喺韓劇、台劇發生，現實又有幾多對李大仁同程又青。有樣嘢比friendzone更加一去無回頭，叫 brotherzone。

「有人問咁樣算唔算收兵。哈，諗諗下其實佢都幾似你隻兵。但同時你自己都做緊佢隻兵，一句『喂今晚飲酒』，就隨傳隨到。呢個時候你會得啖笑，兄弟呢家嘢，你識條毛咩。」

黃翠如其後在Facebook打了一篇文回應事件，將大家心中的童話粉碎。「友達以上，戀人未滿」的關係令人唏噓。



3. 鄭嘉穎 周麗淇
《天幕下的戀人》令二人開始拍拖，網民十分支持，當年可算是一對極受歡迎的情侶。不過之後鄭嘉穎與佘詩曼傳緋聞，大家紛紛責罵嘉穎「用情不專、貪新改舊」，為Niki感到不值。


如今鄭嘉穎跟港姐冠軍陳凱琳因《殭》的「木桶炸雞」撻著，二人穩定發展，而Niki則鮮有緋聞。

4. 黃宗澤 胡杏兒
他們的緋聞傳了足足七年，因為二人未有承認戀情，關係一直撲朔迷離。兩個人愛得低調，但藏不住的甜蜜吸引觀眾欣賞他們的情侶檔演出。


可惜有傳聞指黃宗澤改不了男人花心本性，導致胡杏兒心死，決意分手。黃宗澤傷心後悔，而胡杏兒已經成別人人妻，二人再不能回到最初。


5. 林峰 鍾嘉欣
一個金童、一個玉女，合襯度高到連雜誌及報章都有盛傳他們的緋聞。二人在多部電視劇合作過，均有親密感情線，他們坦承有對對方心動過，可惜沒有緣份繼續在一起。

現在林峰跟吳千語穩定發展，鍾嘉欣則幸福地嫁給脊醫，順勢推出新歌《我結婚了》，同時嘉欣懷有身孕做個賢妻良母。

(圖中來源：明報)