90後男仔一定識：細個永遠爆唔到機既戰隊「無個性戰隊」 精選 推薦

嗰陣最hit既時候咁啱返緊學，又唔想上電腦堂，多數都會喺電腦堂偷偷地打呢啲機。我聽過有個高form上電腦堂開左咸網，點知比呀sir 咁啱lock機仲顯示左喺projector度，成班嘩一聲好興奮，慘在個師兄放左學要見家長仲記左個小過。後尾同啲同事講返，先發現大家學校教發生過呢啲事，唔通青春期真係血氣方剛啲？

總之有冇人小學中學玩過「無個性戰隊」同「玩火遊戲」？嗰陣呢2個game排名新線上遊戲地帶高位，只係需要簡單操作，所以非常受90後男女歡迎。




「無個性戰隊」有七關，每關啱啱開始嗰陣會出現一啲灰色兵仔，用z同x制就得，橙色bar最易打，紫色最難。時間一完boss就會出現，要喺指定時間打低boss，再連續撳C，佢就會被消滅之後巨大化。呢個時候3個隊員就要合體技，變身成巨型機器人對抗巨大化左既boss。
不過第2關....一直係好多人既卡關點，隻雀飛黎飛去都打唔中，甚至唔少人連大技都唔識用，一直爆唔到。第4關隻鼠又係咁呢埋，好快就比佢由地下鑽上黎扣曬啲血game over。



其實識用一定用灰色人，爆發力會強根多，用左一定可以爆曬咁多關；如果用紅色藍多黃色只可以過到頭嗰幾關，唔夠爆最後。因為最後隻大黃鋒速度快 ，易比佢打死，灰色人先至最屈機最勁。但好可能好多人都唔知有第7關，全部都喺第2或者4關卡曬，加埋電腦堂偷偷地玩冇咩時間，返到屋企又唔比用電腦，所以基本上冇乜機會爆曬機。


▼教埋你點用


▼太難喇，我好肯定自己未見過呢個畫面....



仲有個好想提起，就係「玩火遊戲」，未玩過真係有童年回憶。一開始大家喺4個角，要鬥快炸爆啲箱，整死其他對手。炸完啲箱成日都有野拎，炮竹最好，可以放出黎，威力勁好多；鞋就可以加快速度；有次唔小心抽中左減慢步速就gg，等比人炸死。不過我發現其實如果多人玩既話，一開始等睇好戲好啲，由佢地自相殘殺左先，多數都唔會炸到自己度。

其實咁中意玩線上遊戲都係因為好玩，又可以同同學喺同一個keyboard一齊玩，互動性高好多。之後線上遊戲沒落，變左NDS，再變成依家獨自玩既PS4、手機game，冇左細個一齊玩既開心感覺。