點解你會變成一個毒J?睇呢篇文就知原因!

純情跟蹤狂 於 09/02/2017 發表 收藏文章
望住朋友一對對,你可能曾經問過自己:我天生係咪真係同戀愛無緣?或者外貌真係其中一個考慮因素黎既,但係幾靚都好,唔好既性格都會令自己再次單身,依家唔講外表(仲可以講啲咩姐)就由性格方面睇睇有咩問題先。



1. 利益睇得好重要
如果平時已經經常提起錢既話實會帶比人壓力,如果幫人嗰陣無利可圖就唔幫更加會令人覺得你份人太勢力。除非搵到個同自己有相同價值觀既人,否則都好難可以出到pool。

2.生活圈子小同沉悶
平時最中意留喺家中,放學或者放工即返屋企?莫講話情人啦,咁樣連朋友都冇可能識到。而且個人存在感非常低,要你中意既對像注視到你都幾難!所以參加社團、興趣班,主動去唔同既活動咁先可以擴大自己社交圈子架嘛。

3.面對愛情太懦弱
可能係從前傷得太深,或者未試過而覺得驚,遇到女仔已經口窒窒、手震、調頭走、避黎避去......咁淆底反而成為得到幸福既阻礙!

4.成日睇到人地缺點並放大
明明白紙上只得一粒黑點,你就淨係睇到嗰個缺陷,忽視對方其他更好既優點,咁樣係人都比你拒絕曬啦。

5.對自己冇自信
呢點絕對係最重要既point,對自己冇自信就會成日低頭,行動又閃縮,人地見到你都感覺到有啲陰沉啦。自己都唔中意自己,更何況叫人地去中意你呢?興趣係可以培養,外表都可以打扮,所以唔好失去提升自己既動力就得。

6.冇百分百把握唔會郁
姐係人地踢你一腳先有反應,平時就被動到傾偈都唔夠膽。其實人地已經係咁出招表明冧你架啦,你係中意人都要比少少回應先得架!太矜持會比人覺得你扮曬高貴咁囉。

7.太堅持所謂既條件
正正係大眼、長髮、高180、c cu,呢啲膚淺野
搞到自己隻眼生喺頭上面,明明有啲好好條件既人企喺自己眼前,就嫌佢唔夠大隻而請佢食檸檬。事實上到你真係拍拖嗰陣就會知道咩條件都係假,最緊要係錫你同埋專一。

希望你地知道自己咩事之後可以順利搵到另一半啦!冇咩事,我返入被竇先。

留言

會員
我要評論
請按此登錄後留言。未成為會員? 立即註冊
  • Chung Hei
    Chung Hei 於 09/02/2017 評論 NO. 1

    衝出香港啦

  • Tak Lun Demon Hung
    Tak Lun Demon Hung 於 09/02/2017 評論 NO. 2

    不過相比搵女朋友,我寧願鐘意想去訓教就訓教,想去旅行就去旅行ge 生活

  • Man Kin Poon
    Man Kin Poon 於 10/02/2017 評論 NO. 3

    點解女仔淨係對靚仔先無介心? 點解一啲其貌不揚嘅男仔(即係我)連傾下計都唔得......

  • Alex  Ng
    Alex Ng 於 10/02/2017 評論 NO. 4

    同意😩

  • True Tear
    True Tear 於 10/02/2017 評論 NO. 5

    .男人唔壞,女人唔愛
    心地善良乖巧ge毒J邊睇得上眼

  • Nelaros Yu
    Nelaros Yu 於 10/02/2017 評論 NO. 6

    冇架啦 乜都冇

快捷鍵:←
快捷鍵:→