黃秋生抽水扮霆鋒抽筋唧醬,網民話缺少左想殺你全家既原版味道

純情跟蹤狂 於 02/12/2017 發表 收藏文章
如果大家有睇我地今朝既post都知謝霆鋒又黎料喇!今次佢去澳門新濠天地,負責整兩個甜品「玫瑰泡芙及荔枝啫喱」同「玫瑰花瓣及香芹籽麵包條」,期間好似上左身咁.......係咁用黑白朱古力喺枱面上係咁唧,唧到有網民問佢係咪抽筋,點解抽筋抽到咁嚴重都冇人想去救佢。小編睇完留言頓時覺得大家好有愛心,竟然第一時間關心佢身體狀況,但我諗謝霆鋒冇事既,你地可以放心。


其實佢chok唔係今日既事,之前佢喺《十二道鋒味》已經夠chok:包括係咁喺啲餸上面起勢咁磨把刀、慢動作落調味料、整雞蛋仔整到好似毛巾咁淋仲扮好好食、明明切到啲食材彈到周圍都係仲可以扮冇野等等。謝霆鋒就係有種魔力,就算佢做緊啲柒野都比人一種好chok既感覺。

而4個鐘之前,黃秋生喺facebook upload左段短片,caption打左句「耐人尋味」,之後就起勢喺朋友個頭上面搞呢搞路,最後仲黎個chok樣,同正版謝霆鋒有9成似。睇真啲原來秋生拎住化妝掃幫朋友化妝,條片一出即刻爆紅,個個都讚黃秋生夠搞笑,又抽得靚。

真係好仆街,但我中意!



完整抽水片傳送門:https://www.facebook.com/264580710348010/videos/1056113784528028/

▼最後拋筆嗰吓超正,同真人99.9%似


但網民好高要求,話黃秋生差左少少野:「影帝級如你,演繹起來都仲係差啲,缺少咗一份完全忘我、唔理世俗眼光...留意番檸檬係帶住一份『殺你全家!』既憤怨,係一生不能釋懷的恨!!」、「冇果份嬲左成村人既氣勢,秋生哥太專心,硬係差左少少『想話比呢個世界聽我真係好x型』嗰種想望鏡頭,但一望又柒左既掙扎。」、「呢啲真係武裝到牙齒、chok到入血先做到。」

呢單野教曉大家,有咩柒野都用認真mode去處理,件事就唔柒架喇。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→