陳煒側乳最正,蔡思貝大舊似水母!點評港姐競選女藝人裝扮(40P)

純情跟蹤狂 於 29/08/2018 發表 收藏文章
之前聽到無線好似話想開源節流,取消《萬千星輝賀台慶》,亦唔再出高質節目,諗住力谷big big shop直接硬銷各類產品廣告,對抗奇妙電視同ViuTV兩個競爭對手。本來唔多信,畢竟台慶搞左咁多年,仲係咁盛大既活動,點會話摺埋就摺埋,加上無線助理總經理余詠珊講到明唔會取消台慶。不過當小編我睇到今年香港小姐只係安排去西貢(係香港嗰個,唔係越南)、羅馬(係澳門羅馬競技埸,唔係羅馬),大幅削減開支,都忍唔住O咀。前晚係一年一度既香港小姐競選,雖然未知第日台慶保唔保留到,依家點都要打握機會點評女藝人既衣著先得。話就話係二十位佳麗既比賽日子,其實係前輩搶foul既時候,各位女藝人出盡渾身解數,有低胸、露背、透視,究竟其中十五位裡面邊個最正,邊個最驚嚇?

陳煒

薑果然愈老愈辣,煒哥套粉紅色晚裝睇到我嘩嘩聲,前面deep v到肚臍位,東西半球成晚出黎同大家say hello,冇咁上下身材都撐唔起條裙。對比起廿歲後生女,煒哥夠嬴有突,所以最靚一定係佢。



朱千雪

千雪bb又出動喇,佢身材一啲都唔惹少,桃紅色一字膊晚裝大方得體,襯埋盤髮夠曬穩陣。不過唔知係咪讀書太辛苦,成個人瘦曬,連下巴仔都好明顯。



湯洛雯

同好姊妹朱千雪相反,自從同羅天宇甩拖之後湯洛雯勁享受單身生活,所以比記者影到幸福肥,手臂同雙下巴多肉左,搞到佢忍唔住喺instagram問大家佢係咪需要減肥。講返條裙,之前湯洛雯出席咁多活動都冇失手,但今次佢呢條寶藍色裙冇咩特別。



黃心穎

流蘇入膊香檳色晚裝夠曬閃,亦好突出身形曲線,只係覺得隻色唔多襯心穎,始終心穎膚色偏向健康,香檳色啱白淨女仔著多啲。



李佳芯

痴線!!完全係仙女下凡咁款,外面件薄紗釘左唔少白花仔,將本來氣質十級提升。唔好話我不嬲中意李佳芯所以偏心於佢,而係佢真係靚爆鏡。


王君馨

王君馨之前一度偏向中性打扮,化smokey eyes、真空西裝、重金屬style晚裝等,今次著返普通性感晚裝,胸前設計幾特別。問題出喺個髮型度,頭髮太碎太散,人地唔知會以為佢趕時間求其喺屋企紮完就出黎。



麥明詩

估唔到麥明詩剪短左頭髮咁襯佢,可能match返本身份人直率、爽朗、有主見、好勝心強等性格,依家仲有女人味同知性美左。最後兩套橙色、紅色晚裝配大紅唇好成熟、性感,明顯呢種style先啱麥明詩。


馮盈盈

馮盈盈之前蓄大曲髮靚好多,依家夾硬拉直變左頭髮貼實塊臉,望落有啲腫脹。雖然今次上圍谷到盡又有透視睇下,不過條吊帶裙令人諗起阿婆底褲,款式同顏色都好相似。


蔡思貝

真係想問發生咩事?個造型師係咪想整蠱佢?原本條裙上身透視長袖好地地,點知下身冇啦啦加左好多薄紗,搞到出黎效果好累贅。就算蔡思貝好瘦,著上去都大左兩個碼,今次低胸都救唔返。


劉佩玥

以為黑色就夠穩陣?正因為個設計冇咩特別,加埋留平蔭,感覺就好似去中學謝師宴,咩氣勢、女人味欠奉,完全唔覺得適合去港姐競選呢啲大型活動。


張寶兒

不過不失,只係普通花紋low cut。


劉穎鏇

反而隔離既劉穎鏇成個女神look咁,貼身剪裁突出腿線,而且兩邊膊頭特登有通窿設計,等個人冇咁大份同冇咁橫。


傅嘉莉

嘩嘩嘩,暴雨驚告現正生效,條裙只係普通低胸閃片吊帶裙,下擺有啲毛毛咁,但重點在於嘉莉勁大方show比我地睇既一對豪乳咁,咁谷法夾死蟻呀,抖唔抖到氣架?


吳若希

著真空西裝冇問題,問題在於太鮮紅色成個利是封咁,係去新年定係國慶?


王卓琪

......粉紅色吊帶絲質長裙十足十阿媽夜晚著既老套睡衣咁,不過王卓琪少出席呢啲場合,唔知點襯搭好正常,今次算啦。

留言


請按此登錄後留言。未成為會員? 立即註冊
    快捷鍵:←
    快捷鍵:→