要珍惜中意睇A片既男仔 精選

利申我係女筆者，一直以來有個社會現象我都唔明，就係點解女人咁抗拒男人睇A片呢？認真，真係唔知點解唔少女人都咁諗。但好似女人話題咁離唔開事非同化妝，而男人既話題就係女人同錢之嘛。兩性既關注問題唔一樣，你問佢地唔睇a片得唔得，咁佢地問返你唔講人事非得唔得吖？


其實有慾望同生理需要係好正常，你愈想抑壓佢，佢就會愈強烈。咪好似你想減肥所以完全唔食野，到左臨界點嗰陣爆發出黎，見到野食嗰陣就會忍唔住狂食囉，同睇A片一樣道理架。

而且有一個中意睇A片既男朋友好正架，佢平時已經發洩曬喇，相對黎講都難啲出去搞搞震啦，邊有咁多精力吖。如果你肯同佢一齊欣賞既話，仲可以為你地增加情趣同氣氛，你又會知多啲佢喺性上面既喜好，更加夾得埋。同埋如果你連生理需要都想控制佢，佢仲有咩.........你係未掌握喺手中架呢？平時男人有咩情緒唔習慣講比人知，要舒緩壓力有時就靠呢個方法咋。

有啲人可能會話：「點解我喺度都要睇？係咪嫌我唔夠大波、唔夠靚之類？」，喂大佬你夠一日到黑睇韓劇啦，咩都敏俊、宋仲基、孔劉呢啲，當正啲男演員係你真男朋友/老公咁。依家我問你喇：「咁點解有男朋友都要睇呢？唔通你覺得韓仔正過你男朋友？」，假若你唔係一個瘋韓既女人又問呢個問題，我會話因為你同佢既興趣唔一樣，你既興趣可能係畫畫、唱歌、跳舞，而佢既興趣係打波、打機、加埋打j而已。

講真睇一陣A片真係會同女優拍拖、結婚、生仔咩，係咁樣就搵唔到邊個係有錢啦。有研究仲確實指出唔打係會有前列腺癌，你想佢久唔久發洩下定係患癌賣咸鴨蛋先？拿，但係你真係唔想同佢一齊睇都冇問題既，由佢自己一個睇囉不過大家會少左一種樂趣姐。