著名blogger唔應該狙擊陳柏宇!呢3點睇得出佢係個好男人

純情跟蹤狂 於 14/03/2018 發表 收藏文章
陳柏宇係個好好既藝人,佢既一舉一動都好貼心,無論鏡頭前對住粉絲,定係私下同老婆符曉薇相處都係好男人既典範。近日佢同老婆上《1+1的深情》接受田蕊妮訪問,明明呢個係清淡節目,但一啲悶場位都冇,無時無刻都聽到陳柏宇狂笑,仲有佢地係咁放閃!

1. 中意隨本心,唔中意競爭,係個隨遇而安既人

你地仲記唔記得陳柏宇喺頒獎禮上面講咩?佢話自己已經滿足,希望大家下年投比其他歌手,等其他人都可以企喺個台上分享喜悅。明明正常人有獎梗係唔怕拎,但佢就一片好心,咁值得鼓勵既態度,只有啲有心人先會覺得佢扮野。其實睇返佢既人生就會知道呢一切都唔係假,佢係真心只係想做自己中意做既事。10年前,佢有唱歌技巧、有外形、有人氣,點解都紅唔起做一線歌手?就係因為份人好易滿足,喺樂壇表現唔係咁積極,結果直到依家先彈返起。

▼成日講大道理,比得上金句王黎明


2. 勇敢做自己,保持天真無邪既心

陳柏宇唔會掩飾自己,唔使喺人地面前特登扮到好成熟,佢好似一個未長大、仲有一顆童心既大細路,非常難得。喺訪問裡面佢講野好爆,話自己「唔得」、又唔怕講笑,老婆都話佢係個低能兒童。





3. 對老婆真係好好,成日嗲佢,做大事又有承擔

陳柏宇同老婆係拍《喜愛夜蒲》識,佢地鏡頭前成日鬥嘴,好搞笑,不過鏡頭後又勁sweet,見到佢老婆甜笑就知佢地冇講大話。佢地同普通情侶一樣都會鬧交、呃過對方,不過好搞笑地次次都會主動say sorry、嗲返,又變返之前咁糖痴豆。

陳柏宇好男人在平時似小男人,會喊會嗲老婆,喺訪問裡面已經多次眼濕濕:有次因為老婆唔幫自己吹頭,竟然好似小朋友咁喊住要佢氹;有次合眼扮盲突然感觸,好感恩老婆喺自己身邊;有次朝早6點未訓,叫醒老婆同佢講幾愛佢;有次比提款卡老婆,叫佢限制自己用錢。而喺大事上陳柏宇又會變左大男人,思想好成熟,為左要保護老婆改變自己唔好既習慣,例如大洗。





聽完田蕊妮個訪問更加中意佢地呢對夫婦。感覺到佢地之間既感情好真、好sweet,所以我好唔明點解之前某位著名blogger健吾會狙擊陳柏宇(傳送門:http://s.fanpiece.com/cfDbduq),又寫明讚暗踩既文,又喺人地得獎之後對結果表達不滿。雖然唔知佢識唔識陳柏宇真人,但一直以黎傳媒、廣告商、fans都對佢有讚冇彈,個個讚佢有禮貌、為人真誠、有heart,事實已經擺在眼前。


如果想看完整訪問片段,請瀏覽:https://www.mytvsuper.com/tc/result/throughthickandthin_115362/357347

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→