【網絡熱話】港男呻比女朋友瘋狂叫做垃圾，網民反應出乎意料之外 精選

雖然本地facebook page「名校secret」之前因為一啲糾紛而宣佈唔再出post，不過近排又再有新posts，琴晚有個仲破左500個讚好添！原來一名港男大呻女朋友對佢唔好，不時言語攻擊同侮辱佢，仲上載whatsapp對話做證據。由對話之中得知港男同該名「女朋友」鬧緊交，最後港男妥協道歉，反而比女方瘋狂叫佢做「死狗」、「乞兒」、「垃圾」、「賤過地底泥」、「女人性格扮X曬慘」、「下世投胎做狗」、甚至鬧埋佢全屋企人都係劣質基因。港男問網民會唔會有女朋友咁樣同男朋友講野，本身以為大家會撐佢，點知各位既反應出乎意料之外。



原來網民推斷呢個女仔唔似係港男女朋友，睇對答似觀音兵同娘娘多啲，我地再睇返個對話，女方同港男講「唔出聲？冇水泡做」、「算啦，我block埋你」，呢啲句子睇得出佢地既關係幾唔平等，港男角色好被動。網民仲感情大師上身，話一睇知道兩個人咁講野唔係第一次，有曬前科，係港男唔敢反抗、死忍，縱到個女仔咁港女係佢自己抵死。又有人就覺得由頭到尾係個港男作故仔，自己同自己講野跟住cap圖，目的係要加速男女性別既分化。
小編認為個女仔咁講野當然有問題啦，但呢個港男明知對方有問題都只係識唯唯諾諾都有錯，乜應：「嗯」、「好呀」、「係呀」對方就會知錯？途中仲要附和佢既說話，令嗰個女仔更加得戚，同自取其辱冇分別。其實想解決呢個問題有兩個方法：一，話返佢轉頭，同佢講理性討論唔好喺度鬧，唔係佢唔會知道自己咁講好過份；二，分手吧啦，仲忍落去做咩？拍拖唔同返工，唔係比人鬧都要死忍，拍到冇曬自尊不如單身仲好。


比佢侮辱到咁都仲一齊......係太愛女朋友，定係唔捨得佢呀？係抵死呀！