神劇《大唐雙龍傳》楊怡靚到喊，全盛時期既佢完勝整容女 精選 推薦

以前2004年既《大唐雙龍傳》真係神作黎，寇仲死變悽美結局，加林峯唱既背景音樂好好聽。雖然睇左原著就知無線改得幾誇張，未睇過小說先覺得幾有趣，連作者黃易本人都講過以後唔想比無線拍佢既小說，不過無線編劇其實算改得唔錯，幾順同還原到角色性格，所以依家暫且當一套獨立劇集咁看待先啦。

首先「雙龍」吳卓羲飾演既陵少有型靚仔、林峯飾演既寇仲武功非常高強又有調侃既feel，佢地之間既兄弟結拜之情義係gay gay地，但好好J。一開始係睇得有啲唔順暢，話曬佢地兩個武功唔夠人打要成日逃走，之後練到咁上下就爽皮喇。另外女角選角好完美，個個都不食人間煙火咁，唐寧做慈航靜齋既師妃暄勁有仙氣、胡定欣既婠婠夠正、李倩扮演既宋玉致就可愛。


最重要係嗰陣既楊怡好靚女，皮膚靚、五官精緻，成個人散發出黎既氣質與別不同，真心震撼到世界級。網民話佢《天子尋龍》先係全盛時期，嗰陣仲覺得佢有啲角度有少少似楊恭如，唔理啦總之佢古裝殺死好多人。可惜紅左之後佢個鼻愈來愈高，冇左山根，網民都話佢整容整上隱，已經去唔返之前大家閨秀、名門小姐嗰重貴氣清純感覺。講真佢本身個鼻算係靚，唔明點解仲要整，唔通入左娛樂圈比人潛移默化左？可惜佢2016年4月約滿離開無線，以前既光陰一去不復返了。








順便回顧首主題曲：

「磨劍鋒　來引弓　頑強傲氣都開鋒
來勢洶　誰能壞我美夢
天空中　腳踏浮雲頭上這雙戰龍
橫眉笑世間英雄　誰比誰有用

長鬥短　雲鬥風　揚眉令四方震動
南至東　紅塵被我染紅
不倒翁要是前途埋伏更多夾縫
人人說勢所不容　前鋒仍要衝

＊天外有天　用自己抵擋劍尖
天滿鋒煙　大地洶湧出我的天＊」


▼早期少少2002年《再生緣》都靚到死



網民都係一致讚許《大唐雙龍傳》既楊怡靚到喊：


值得一提既係，2017年7月楊怡比無線以外邀方式回巢拍《再創世紀》，今輯成為女主角之一，想睇佢記得七月就會上映。