男學生著校裙被訓導狂鬧,過萬網民插學校性別歧視

純情跟蹤狂 於 25/02/2017 發表 收藏文章
昨日於「名校Secret」這個page出現一篇極係轟動的文章,由屯門某間學校的學生匿名寫的。內容大約是講述近日學校舉行便服日,於是有幾名來自四年級的男學生借了女同學的校裙回校,誰知訓導主任強行把這班男學生拉入男廁,迫他們換回普通便服。但當男學生多番問及訓導主任:「點解唔可以著裙?校規冇寫。」訓導主任不懂如何回答仍然強迫他們脫下校裙。最後情況愈來愈嚴重,學校決定要處分這班男學生,但問題是.....校規沒有寫明,為何男生穿裙子就是錯呢?


文章一上載便引起網上熱話,一晚內已經累積超過2000多個分享,1萬3個讚好,很多人都指責學校沒有權利控制學生穿裙還是褲子,是次舉動明顯是性別歧視。有同學指出學校原有校規已經奇怪,包括不准女學生戴黑Bra、眼鏡除了黑色外一律禁止、不可帶鏡子上學等等,每當問及學校此等校規背後意義時,都只有一個答案:「影響校風。」那究竟眼鏡如果影響校風呢?我們便不得而知了。


不過都有一些學生是持反對意見的,他們指校服有相關的規定,一套制度除了表示穿著者的身份,還是代表學校的,所以學校有權控制學生如何穿著校服。

你們覺得呢?學校有性別歧視嗎?
原文:
引用[GUEST] 我係一個黎自屯門既學生。
今日係我地學校既便服日,有一班form4男仔借女仔啲校裙黎著,早會過後就換曬校裙,成堆人尖叫、歡呼、跑黎跑去,震撼全校。
原本其他老師都唔想理,因為校規同埋便服日規矩無寫唔可以著,點知遇到個新黎既煩膠老師報串,搞到成個教員室都知,佢地上完小息後個堂就比埋伏係課室門口的訓導主任(其實權力已經大過校長)捉左,一個一個咁拉入男廁除曬裙換返便服,而班男仔問點解唔著得個陣,個訓導唔知點答,就威脅佢地如果唔換就落訓導室用其他方法處理,即是記缺點,佢地堅持要求訓導解釋,但最終不敵訓導主任的無理取鬧。
故事仲未完,等到lunch放飯,個班男仔見到訓導走左,就攞其他校裙黎著,衝出校園,以示不滿。無奈食完飯返去學校,前後校門口已經有兩大將軍(訓導)駐守,即使我地呢d係學校既線人點樣幫手都無補於事,訓導甚至唔比人出去,驚係拎衫比佢地換。最終,訓導勝利,死傷慘重。
但係訓導老師盤問期間,無任何罪名可以告入佢地,佢地不斷掙扎,訓導不斷搵錯處告佢地,但係班男仔不斷搵校規漏洞,啲訓導甚至謊報校規,話校規有規定男仔唔應該著女仔校裙,但其實手冊入面無任何條例係唔比男仔著校裙。
班男仔話佢地一早睇左校規,個老師原形畢露講左句:「你地睇左早講吖嘛」最後,班男仔係訓導室出面等,而全部訓導老師黎曬開會。訓導見佢地不斷堅持,最尾放棄話下個禮拜開行政會議,即是七大部主任投票決定究竟應該點懲罰。
事情就係咁,但係究竟點解佢地要接受懲罰?究竟老師無列明清楚規則,校規無講明唔比著,便服日前宣布亦無示意同學唔可以著異性校服,點解佢地要受罰,點解佢地要被冠上莫須有罪名,如果無寫都唔比做,全部都由訓導話事,咁點解要有校規?唔通呢到係極權主義社會,訓導成日抱怨話同學唔體諒佢地,但其實如果互相讓步,件事都唔會咁尷尬,班男仔出街一齊食飯,就要比人捉。唉。
大家又覺得點?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • 嘉樂 游
    嘉樂 游 於 25/02/2017 評論 NO. 1

    男性5比留長頭髮,禁咪可以告人地性別歧視!係蘇格蘭男性傳統ga服飾係着裙

  • S.K. Kyo
    S.K. Kyo 於 25/02/2017 評論 NO. 2

    哩一代盲反到無哂理智😒

  • 鄭家駿
    鄭家駿 於 25/02/2017 評論 NO. 3

    最後一年都唔俾人玩一次留個回憶

  • KaHo Gor SK
    KaHo Gor SK 於 25/02/2017 評論 NO. 4

    佢咁樣無影響聲譽咩?影響仲大

  • Wing Ma
    Wing Ma 於 25/02/2017 評論 NO. 5

    我個女間學校囉.

  • Gigi So
    Gigi So 於 25/02/2017 評論 NO. 6

    甘都可以告?如果告得入,以後男仔咪可以去女廁???😨😨😨

  • 陳德浩
    陳德浩 於 25/02/2017 評論 NO. 7

  • 梁達強
    梁達強 於 25/02/2017 評論 NO. 8

    男生箸男生校服,女生箸女生校服,呢個係紀律問題,不存在歧視 。

  • Ookami Shiro
    Ookami Shiro 於 25/02/2017 評論 NO. 9

    雖然我覺得便服日著校裙 有d唔知做緊乜 但係你呢個留言好顯得你logic好差

  • Kui Tong Siu
    Kui Tong Siu 於 26/02/2017 評論 NO. 10

    啲人問咁樣點影響校風,其實傳到成個fb都係,你估有冇影響到?

  • 林光太
    林光太 於 26/02/2017 評論 NO. 11

    同樣邏辑是咪一樣禁止女仔著裤?

  • tung terry
    tung terry 於 26/02/2017 評論 NO. 12

    如果衣件事發生係外國學校 老師同學都會覺得有趣一笑置之 但發生係香港學校就會話影響聲譽破壞校風 如果香港學校真係咁驚影響學校聲譽 咁你一開始就唔好搞便服日 唔好人搞你又搞 搞左之後又話啲學生着得標旗立異傷風敗德 唔該你地所謂學校學人做所有事情諗清諗楚真正固中意義同目的 唔好再盲目跟風

  • Frederico Kwok
    Frederico Kwok 於 26/02/2017 評論 NO. 13

    係得啲屎忽鬼鐘意小事化大,佢地做咁多野無非都想博升職加人工,你估佢地真係真心為學校做野?個個老師都係為學生好?!

  • 黃誠也
    黃誠也 於 27/02/2017 評論 NO. 14

    便服日 大家有權著自己想著既衫
    正常學校有一定規定 唔可以短到點點點咁 主要係唔想太暴露
    但男仔著裙原全唔暴露,而且符合便服日規定
    ********重點重點重點*******
    便服日 女仔著校服返學 無人會話d女仔
    而 便服中 男仔著校服返學 就俾訓導捉
    個分別係
    同一個行為 但因為性別既不同而有不同既待遇
    歧視定義: 因其個人背景或身份特徵而遭到不公平的待遇
    理解到咩叫歧視未?

  • tim wong 14
    tim wong 14 於 28/02/2017 評論 NO. 15

    閪校風

快捷鍵:←
快捷鍵:→