超級十號颶風山竹雖然已經遠離香港，不過到處留下滿目瘡痍既境象，多個設施受風災損毀：例如紅磡寫字樓吹正風位，多個落地玻璃風暴期間爆開，文件隨風吹走，現場環境猶如廢墟，員工根本唔可能返到工；街上到處都係倒塌既大樹、垃圾，嚴重阻礙交通，巴士、地鐵、小巴只能有限度地開放某啲班次，甚至連的士都大塞車。儘管風災後問題多多，交通、水電未解決，仲有簷篷石屎剝落、建築棚架、戶外招牌、搖搖欲等存在隱形危機，但因為特首林鄭月娥未有宣佈停工，只係勸喻老闆體諒員工，所以一眾打工仔仍然需要大清早喺侏羅紀公園同亞馬遜森林之中穿插 「攀山涉水」咁返工。
有打工仔大呻老闆WhatsApp急call上班，明知各路交通未能恢復，依然要求佢地準時上班係唔合理。甚至有公務員問上司需唔需要返工，上司send左林鄭月娥話唔使返工條片比佢，佢安心返屋企，點知過左陣上司就問：「你喺邊？全部人都返曬工喇喎！」，公務員無所適從，大感無奈。但佢上司話佢自己都唔想，係老闆落既命令，好明顯林鄭月娥今次呢番話令好多人中曬伏，唔單止冇勤工獎，分分鐘變曠工冇埋份鐵飯碗既工。假如嗰位公務員係經濟支柱要養家，林鄭月娥喺邊度賠返份工比人呢？睇怕只係會喺facebook度笑笑口say個sorry吧。
不過又咁講，假如全港停工，街上既大樹、垃圾冇人清理，第二日都係解決唔到問題，唔少網民唯有苦中作樂，將呢幾日災後既相同片惡搞成電影海報。
最正係連森美都玩埋一份，琴日喺早霸王facebook page上載一條片，剪到好似電影預告咁仲配埋音，網民瘋狂share大讚有諗頭，caption仲話「【地道星期二影院：返工】史上最大規模港產片。聽講片尾出演員Credit都出咗三粒鐘。全實景拍攝，走特技，走人情味，狠狠地將山竹過後嘅香港一一紀錄！」唔講咁多，去片！
最後要多謝一班清潔工人馬不停蹄地清理街道，香港人要加油！
有打工仔大呻老闆WhatsApp急call上班，明知各路交通未能恢復，依然要求佢地準時上班係唔合理。甚至有公務員問上司需唔需要返工，上司send左林鄭月娥話唔使返工條片比佢，佢安心返屋企，點知過左陣上司就問：「你喺邊？全部人都返曬工喇喎！」，公務員無所適從，大感無奈。但佢上司話佢自己都唔想，係老闆落既命令，好明顯林鄭月娥今次呢番話令好多人中曬伏，唔單止冇勤工獎，分分鐘變曠工冇埋份鐵飯碗既工。假如嗰位公務員係經濟支柱要養家，林鄭月娥喺邊度賠返份工比人呢？睇怕只係會喺facebook度笑笑口say個sorry吧。
不過又咁講，假如全港停工，街上既大樹、垃圾冇人清理，第二日都係解決唔到問題，唔少網民唯有苦中作樂，將呢幾日災後既相同片惡搞成電影海報。
最正係連森美都玩埋一份，琴日喺早霸王facebook page上載一條片，剪到好似電影預告咁仲配埋音，網民瘋狂share大讚有諗頭，caption仲話「【地道星期二影院：返工】史上最大規模港產片。聽講片尾出演員Credit都出咗三粒鐘。全實景拍攝，走特技，走人情味，狠狠地將山竹過後嘅香港一一紀錄！」唔講咁多，去片！
最後要多謝一班清潔工人馬不停蹄地清理街道，香港人要加油！
請按此登錄後留言。未成為會員? 立即註冊