波波身材逼爆做減肥代言人,男網民:微胖既女仔先最正

純情跟蹤狂 於 04/01/2018 發表 收藏文章
呢排無線出左個節目叫做《食得好健康》,目的就係借住小短劇,混合飲食節目既形式灌輸飲食要健康呢個訊息比大家聽。當中袁文傑扮健康食品公司既老闆,麥美恩、馮盈盈、朱智賢就做職員,搵啲容易比人忽略既健康食物,為大家介紹營養價值同相關健康資訊,諗辦法推廣啲野食出去,發展健康食品生意。

佢地第一集幫公司搵個代言人,咁啱《#後生仔傾下偈》既KOL波波咁受雄性動物歡迎,搵佢就最好不過。但係波波一黎到大家O曬咀,因為冇諗過佢身形咁脹,同紙板咁大分別,所以叫佢十日內減走4磅。



首先波波搵左森美請教8小時飲食法,佢要長期用cam對住自己,錄低曬幾日食過咩。先唔好理呢個節目做乜冇啦啦狂影佢自己同男朋友,用無線資源放閃...我地先睇下呢個方法對佢有冇用啦...現實生活既波波飲食毫無節制,食親都係高油、高膽固醇、高脂肪、高卡路里既野,例如放題、雪糕、豉汁雞翼、pizza等等,減到肥定冬眠前存糧?

所謂「黃金8小時減肥法」即係起身之後計8小時,只要喺呢8小時吃完3餐就瘦落黎。不過森美教既方法同坊間有啲唔同,坊間話8小時內可以大魚大肉、唔做運動,但大魚大肉有機會加重腸胃負擔,仲有唔好以為減肥可以咁舒服啦,呢個世界唔付出邊有收獲?所以森美建議食多菜少肉,仲教波波用瑜伽破keep fit先減到。



▼不過期間波波有偷食...



之但係對於波波飾演減肥代言人,網上有唔同意見,有啲網民覺得一百一十幾磅其實絕對唔係肥,對應返只係52公斤,係普遍女仔既體重,BMI都未過。網民又話波波只係大脾同肚腩位有啲肉,佢小腿仲係好標準,可能上圍大令人覺得佢肥。同埋因為塊面打曬燈冇陰影,所以上鏡一定係肥啲,好似黃翠如、陳茵薇佢地咁,你以為佢地身形係啱啱好?其實佢地真人瘦到皮包骨咁。

撇除針對波波呢個女仔,其實香港有好多女仔有過瘦既問題多過過肥啦。佢地為左瘦會好多旁門左道既方法,如減肥藥、飲果汁、節食等,最後瘦到成身好似碌竹咁,甚至患上厭食症。其實只要食得健康,根本唔使話一定要減到好似啲女藝人咁既,可能瘦仲食得唔健康呀!反而微胖先搶手,依家愈來愈來男仔覺得微胖有安全感啲、又好攬,pat pat好肉地仲有一個特別好處添(你知道的)。



▼同一個節目裡面已經有過瘦既代表:馮盈盈、朱智賢


咁咩人先要減肥呢?除左量度腰圍同脂肪百分比之外就係BMI,BMI利用體重同身高對比出黎既數據可以顯示出你有冇過重。

體重指數(BMI) = 體重(公斤) ÷ [身高(米) x 身高(米)]
所以一名1.6米高及體重52公斤既女士屬於正常範圍內:
BMI= 52 ÷ (1.6 x 1.6) = 20.3 kg/m2

引用世衛所訂既亞洲人肥胖標準:

正常18.5 - 22.9
過重23 - 24.9
肥胖一級25 - 29.9
肥胖二級 >30

最後要讚一讚個節目好有教育意義,搵陳煒用每集既主題食材煮啲簡易菜式,希望啲女仔睇完唔會盲目追求瘦,只要食得健康又有益就夠喇。

(資料來源:香港減重及糖尿外科中心)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→