【有片】陸永於頒獎禮明寸叻哥被人照肺？陸永：叻哥係完全冇嬲 精選

前晚《萬千星輝頒獎典禮2017》是非真多，先出現該得獎的人沒獎，資歷淺的人卻有獎之疑似做馬情況，之後又直擊蔡思貝上台奪「最佳女配角」獎時唐詩詠明顯黑面，不過有讀者就提醒小編我還有一件大花生未講...前晚主持是Dodo姐鄭裕玲及農夫的C君、陸永這三位最佳拍檔，儘管農夫不時窒Do姐「老」、「冇資格」，發揮搞笑本色，但如果大家當晚有留意頒獎典禮，陸永全晚有幾刻根本不在狀態，出現讀錯劇名、反應慢半拍、食螺絲等情況。


例如他把《踩過界》講成《誇過界》，之後已經馬上為口誤兜一兜：「《誇過界》好犀利.....誇過界喎……真係離晒譜。」，Do姐都有為他打圓場：「兩個劇集撈埋一齊黎講都得既，唉呀！」，陸永再解釋：「係囉！....拿浩信呼聲好高既，你會唔會攞埋，配埋一對咁樣？」

之後到叻哥出場，他說：「你哋兩隻野唔使好似好驚咁，我本身個人比較謙虛同和藹，唔係好似Do姐咁既。」，陸永可能以為叻哥似Do姐一樣講得笑，竟然明寸：「你喺謙虛方面都好囂張。」，叻哥似動真火鬧：「囂張得過你？將人地個節目改名，下？點呀？」陸永即時淆底：「哈哈哈，我啱啱錯左少少，唔緊要。信封喺你度，我梗係要馬住你啦。」
▼先講錯劇集名、鮑姐名


▼再明寸叻哥


▼清楚看到陸永指著叻哥，叻哥發火，陸永笑笑口應對



雖然當時全場大笑，氣氛不至於很僵化，但後來陸永減少發言，未知是否被人照肺。討論區有一網民就爆料指：「朋友係後台做，陸永被叻哥指住個頭係咁X，成個梳化都見到...」，留言沒有附上任何偷拍照片或影片，供詞不太可信；另外又有人眼利留意到只有C君在instagram放新相，而陸永沒有，暗指他對錯失耿耿於懷。不消一會兒某報出新聞把事件當成真事報導出來，更加使農夫粉絲擔心陸永因為此事被方丈無線雪藏。

由於傳聞不逕而走，甚至愈作愈大，有人甚至指陸永前途被叻哥斷送，為了叻哥的清白，陸永迫不得已對另一報章開腔解釋：「叻哥係完全冇嬲...只係一個討論區入面一個朋友講咗段咁既野，但佢又冇片。」，笑大家明明沒片沒真相都相信傳聞。


事實是怎麼樣只有當事人才知道，但其實即使事件是真的，陸永也不會公開承認啦，傻的嗎？