仲記得以前放學我係全校第一個學生打鐘即刻衝返屋企，次次校工都問我跑咁快做乜，而次次我頭也不回咁跑，冇應過佢。因為我知道，每花一秒，就會少一秒時間做功課，減低準時開電視既機會。終於做曬功課，睇睇個鐘指住5點20分，一打開電視就會啱啱好播完廣告有卡通片睇，星期一係多啦A夢，之後星期一至五就係其他卡通。我最深象深刻既卡通，不得不提男仔最中意睇既《衝鋒21》，我諗個個90後男仔冇可能唔識啦。
首先我一向對啲運動既卡通冇乜大興趣，所以冇睇《網球王子》同《足球小將》(唔好打面)，唯獨係講美式足球既《衝鋒21》令我忍唔住不停追黎睇。首先主角瀨那已經夠曬勵志同熱血，明明本身係毒J加「死矮仔」，又係大家眼中既小學弟，但真實身份竟然係型到裂既運動明星：衝鋒21，用快到睇唔到既步速穿過人群達陣。
▼除頭盔表明身份呢幕，相信大家都覺得好感動，起曬雞皮
「小早川....瀨那‼‼‼‼」
同埋佢成日出啲招式都好正，咩「惡魔蝙蝠幽靈」就係喺衝刺嗰陣步幅改變但唔減速，令啲敵人阻止唔到佢前進；「四次元跑法」就係最高速嗰陣向後跳，對比起其他正常啲既招式，呢招喺現實中絕對冇可能做到架喇。呢套卡通點解好啱大人睇返？因為佢每個比賽都好有鬥志，由泥門、春季大賽、死亡行軍、秋季大會，最後去到聖誕節碗、做冠軍，集集都睇得出每隊有去聖誕節碗既理由同夢想！
除左瀨那之外我仲好中意蛭魔，佢見到人地打天才波都冇放棄，梗係要用凡人既身體去挑戰天才。例如佢會喺人地hea緊嗰陣勁努力咁練，只係快到0.1秒都已經好大進步。其中一幕佢比人撞到隻手甩左，都仲繼續留喺個場度，嘩，睇到喊呀大佬。同埋最最最記得蛭魔對王城同高見打心理戰：
《衝鋒21》裡面唔係個個都有主角光環，十世都死唔去，更加廢柴既人物喺呢套卡通裡面都有，嗰個叫做雪光。佢明明係學長但就成日淆底、自卑，覺得自己做唔到，睇少自己。後來無論佢爬東京鐵塔、死亡行軍鬥到暈左定神龍寺第一次達陣都用盡全力，正正話比我地聽係咪天才根本唔係最重要，你有冇能耐去突破極限先係最強呀。
「雪光，你唔甘心呀？」
「係呀...」
「自己冇得喺場上面同大家一齊歡笑....」
「係呀....！」
「但其實你已經係一個鬥士黎喇」
雖然雪光冇辦法正選上場，不過既然已經盡左全力就唔會後悔。其實有時識發下白日夢都好幸福，因為發下夢先會比自己更大信心去爭勝。冇人一出世就咩都識，如果連你自己都睇死自己，邊個會睇得起你呢？
加油啦！咩都試下總好過白白浪費人生。
(原諒篇文記錄唔曬感動位。)
首先我一向對啲運動既卡通冇乜大興趣，所以冇睇《網球王子》同《足球小將》(唔好打面)，唯獨係講美式足球既《衝鋒21》令我忍唔住不停追黎睇。首先主角瀨那已經夠曬勵志同熱血，明明本身係毒J加「死矮仔」，又係大家眼中既小學弟，但真實身份竟然係型到裂既運動明星：衝鋒21，用快到睇唔到既步速穿過人群達陣。
▼除頭盔表明身份呢幕，相信大家都覺得好感動，起曬雞皮
「小早川....瀨那‼‼‼‼」
同埋佢成日出啲招式都好正，咩「惡魔蝙蝠幽靈」就係喺衝刺嗰陣步幅改變但唔減速，令啲敵人阻止唔到佢前進；「四次元跑法」就係最高速嗰陣向後跳，對比起其他正常啲既招式，呢招喺現實中絕對冇可能做到架喇。呢套卡通點解好啱大人睇返？因為佢每個比賽都好有鬥志，由泥門、春季大賽、死亡行軍、秋季大會，最後去到聖誕節碗、做冠軍，集集都睇得出每隊有去聖誕節碗既理由同夢想！
除左瀨那之外我仲好中意蛭魔，佢見到人地打天才波都冇放棄，梗係要用凡人既身體去挑戰天才。例如佢會喺人地hea緊嗰陣勁努力咁練，只係快到0.1秒都已經好大進步。其中一幕佢比人撞到隻手甩左，都仲繼續留喺個場度，嘩，睇到喊呀大佬。同埋最最最記得蛭魔對王城同高見打心理戰：
《衝鋒21》裡面唔係個個都有主角光環，十世都死唔去，更加廢柴既人物喺呢套卡通裡面都有，嗰個叫做雪光。佢明明係學長但就成日淆底、自卑，覺得自己做唔到，睇少自己。後來無論佢爬東京鐵塔、死亡行軍鬥到暈左定神龍寺第一次達陣都用盡全力，正正話比我地聽係咪天才根本唔係最重要，你有冇能耐去突破極限先係最強呀。
「雪光，你唔甘心呀？」
「係呀...」
「自己冇得喺場上面同大家一齊歡笑....」
「係呀....！」
「但其實你已經係一個鬥士黎喇」
雖然雪光冇辦法正選上場，不過既然已經盡左全力就唔會後悔。其實有時識發下白日夢都好幸福，因為發下夢先會比自己更大信心去爭勝。冇人一出世就咩都識，如果連你自己都睇死自己，邊個會睇得起你呢？
加油啦！咩都試下總好過白白浪費人生。
(原諒篇文記錄唔曬感動位。)
請按此登錄後留言。未成為會員? 立即註冊