娘娘要求巴打唔做男朋友做奴才?數Whatsapp做兵事件簿

純情跟蹤狂 於 08/09/2017 發表 收藏文章
唔知大家仲記唔記得,好耐之前有位巴打出post問大家佢係兵定男朋友.....其實佢咁問得出,都知道自己比人玩緊啦係咪?所以大家一致留言話佢分明係做緊兵,根本唔使問。不過循例都要睇下佢同娘娘既WhatsApp對話既,唔睇都仲好啲,一睇,嘩簡直係人神共憤,真頭想嗌佢:「食屎啦你!」

對話裡面巴打就問娘娘佢究竟係男朋友定係兵,點知娘娘竟然答左三個字「係奴才」。當巴打繼續死心不息覺得佢自己係男朋友嗰陣,對方再講:「係一個掛名男朋友,實際係奴才。」正常人見到中意既人咁講都如同千刀萬剮咁架啦,點知呢個巴打仲要再話「但係感覺好似一齊左都仲係普通friend呀嘛。」



有啲人就話會唔會係女朋友想玩cosplay咋?cos鬼cos馬咩,玩就真,cosplay就用黎點佢繼續為自己服務既藉口黎啫。如果真係女朋友,巴打就唔會講到佢地同普通朋友做既野冇分別啦。我大膽假設佢地話就話一齊左,但甚至連手都冇拖過、嘴都冇錫過呀。

我依家終於知道點解有咁多精神失常既娘娘穿越時空黎到呢度,原來就係有呢班所謂既奴才縱出黎。其實人地經病得好嚴重,為何仲要配合佢令佢癲上加癲呢?面係人地比,架係自己丢,身係一個男人竟然為左娘娘降到奴才level....做兵都話有時有軍糧派下,可以一親娘娘芳澤,算係付出有成果既,唔係好成比姐;但依家做奴才係乜X都要做,冇得say no!

我地睇下其他例子:

▼追女追到比左30000蚊人,但娘娘反指係個男人太恐怖,明明唔想要都夾硬黎:「有時候我同其他客人傾計,包括我現實生活中既朋友上黎搵我 我就忽略左佢 結果佢就話佢嬲 要趁我放工既時候同我影一百張相。」等行為



▼人地明顯唔中意你,仲答咁多做乜,完全體現到毒J既極致



▼請娘娘去旅行以為有得2人世界,去機場後先殺出大隻港男 (正印男朋友)


建議你地睇多啲警訊啦:


做人定做兵有時真係有得揀,只係睇你夠唔夠決絕,唔少港男就係唔夠定力,搞到自己又求又淨,乜野尊嚴早就冇曬啦。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→