叱吒頒獎禮被炮轟,樂迷:對唔住真正有heart既歌手!

純情跟蹤狂 於 02/01/2017 發表 收藏文章
一年一度的叱吒頒獎禮在昨日落幕,由於今年加入了不少有實力的歌手和歌曲,所以大大增加香港人對於音樂的注視,更加為了自己支持的歌手入場投票。可惜頒獎結果就引起很多人的不滿,皆因K歌入選,有意思的歌曲都被冷落,加上非常受歡迎的歌手奪不到金獎惹起民憤。

第一:欣宜被指消費肥姐

鄭欣宜的《女神》的確是很有意思,而且知道她有下過苦功的。可是她一直受到香港人的責罵,有些人討厭她肥胖的身形(這就不評論了,因為那些人根本沒有道理的),有些人則眾討厭她消費自己的母親,並指她一直靠肥姐上位。

因為她的《女神》得到「專業推介叱吒十大」的第三位,當時欣宜馬上多謝媽媽肥姐,並戴上她的眼鏡,此舉引起很多人的不滿,並給了很多「嬲嬲」。



第二:AGA竟然沒有得到任何獎

AGA今年有很多很出色的作品,而且深受大家支持,在K場不時有人點唱她的歌曲。有樂迷大讚:「每次聽AGA既歌,都未必會有令人有好心痛丶好撕裂的感覺,但就永遠有一種陰啲陰啲,細細力不停咁錐你個心,有種好難解釋既感覺。」,在詞曲跟女聲均十分出色的效果下引來不少樂迷成為其粉絲之一。

可是今年AGA在頒獎禮竟然一個變項都得不到,令人非常意外!很多人都認為她與Gin Lee是香港樂壇最有才華兩大才女,最唱得的兩位本地創作人,可惜今年只有Gin Lee得到「叱吒樂壇女歌手」的銀獎。

《孤雛》 MV


與 Gin Lee 李幸倪合作的 - 《獨一無二》MV


第三:陳柏宇輸給吳業坤

之前一直盛傳陳柏宇能夠得到「叱吒樂壇男歌手」的金獎,如今是張敬軒得到,我們也不能說甚麼,因為軒仔的唱喉及實力真的是在陳柏宇之上嘛(應該沒有人不同意吧,春秋、櫻花樹下都是經典,得到獎是毋庸置疑的)。不過樂迷萬萬想不到「偽毒坤」吳業坤竟然能夠得到「叱吒樂壇我最喜愛的男歌手」!讓人不禁暗忖:他受歡迎在哪呢?坤哥在得獎中發表宣言:「唔知我係高牆定係雞蛋。」,我說啊得到獎就算了,還要為事件發言真的是想死.......如今發言一出,更多人討厭他轉為陳柏宇不忿。

陳柏宇一直以來缺乏運氣,處於半紅不黑的狀態,可是本身是有一定唱功的;而吳業坤就十分幸運,上年叱吒頒獎禮中得到「叱吒樂壇我最喜愛的男歌手」,快速上位,與陳柏宇比較下真的是「時勢造英雄」!加上前陣子坤哥疑似找好朋友著名Blogger健吾做打手,暗踩陳柏宇,明讚自己之舉令人質疑其品格 (傳送門:http://s.fanpiece.com/EAO8tTE)。


第四:方皓玟《你是你本身的傳奇》及謝安琪的《山林道》落榜

小明方皓玟的歌一直都是很高質,難得今年很多人突然懂得欣賞她這塊瑰寶⋯可是高質歌《你本身的傳奇》這樣仍然落榜,難不得樂迷怨聲四起。有人則指因為這首歌不是K歌,所以落榜了,不過就有粉絲大力推介小明2009年後的歌,讚她的音樂造詣非常高。

其實小明厲害已經不是近年的事了,大部分歌曲都是自家作曲、作詞及演唱,大膽特殊的曲風及特別的演唱方式吸引到許多人。



而謝安琪的《山林道》可說是黃偉文近期寫得最好的歌詞,為她十年的歌手事業作一個小總結,以及為香港社會發展發聲:「我只盼這裡有天 變回樹 撤回路 疏忽了 趕快去補 趁還未老。遺落美好枝葉 換到好前途皆負數 無謂到所有樹枯了 才環抱。」。這首歌的受歡迎程度在點撃率上已經知道——足足有400多萬都贏不到任何獎項?


我知道叱吒頒獎禮的結果是根據點擊率排名的,可是對於付出很多的歌手及創作人來說真的有點可惜。我可能會被插對903不公平,而我覺得大眾的聲音還是需要人講出來。就猶如現今政府只有1200人代表市民去選出特首,我們心中有其他喜歡的人選,是不是因為這個制度被定死了,我們就不能發表自己的聲音?如果一個頒獎禮都容不下樂迷意見,那難怪政府不需要聽取市民的訴求了。

(圖片來源:MY903.com、100毛)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Real Ho
    Real Ho 於 02/01/2017 評論 NO. 1

    同TVB一撚樣

  • Danny Lei
    Danny Lei 於 02/01/2017 評論 NO. 2

    我爸是李剛,我媽是肥姐

  • FanPiece
    FanPiece 於 02/01/2017 評論 NO. 3

    力數頒獎禮4宗罪!你地同唔同意琴晚個結果呢?

  • Tommy Chung
    Tommy Chung 於 02/01/2017 評論 NO. 4

    Aga無獎點都講唔過去, 反而Jin Lee無情白事銀獎, 九唔搭八, 不過叱咤就係咁, 你同DJ fd先會有獎

  • Chun Ming Chan
    Chun Ming Chan 於 02/01/2017 評論 NO. 5

    終於有個中肯d既文章

  • Chris Yeung
    Chris Yeung 於 02/01/2017 評論 NO. 6

    《你是你本身的傳奇》堅堅堅入心

  • Pikka Phoenix Chan
    Pikka Phoenix Chan 於 02/01/2017 評論 NO. 7

    Aga 真的很出色

  • Ricky Utopian
    Ricky Utopian 於 02/01/2017 評論 NO. 8

    唱作人金獎!得啖笑⋯

  • Lee Jam
    Lee Jam 於 02/01/2017 評論 NO. 9

    成日話撐廣東歌,商台有份整死個樂壇架

  • Kenneth Lam
    Kenneth Lam 於 02/01/2017 評論 NO. 10

    山林道同矛盾一生既受歡迎程度值得有獎..

  • Gerrard Chim
    Gerrard Chim 於 02/01/2017 評論 NO. 11

    有heart係好,但d歌廢既,又難聽~~~

  • Yuki Po
    Yuki Po 於 02/01/2017 評論 NO. 12

    或許到最後沒有完美句號。

  • Yuen Cheuk Lun
    Yuen Cheuk Lun 於 02/01/2017 評論 NO. 13

    重有四季奪金曲獎同埋Eason hea唱

  • Jay Liu Chun Fai
    Jay Liu Chun Fai 於 02/01/2017 評論 NO. 14

    “我最喜愛”所有獎都經網上及現在投票……點解坤哥會贏,你問問現在嘅人囉,我覺得冇問題喎!!

  • 少峰
    少峰 於 02/01/2017 評論 NO. 15

    Dear jane 一首十大都無,真係對唔住浩然

  • Nico Leung
    Nico Leung 於 02/01/2017 評論 NO. 16

    商台不嬲都小圈子
    扮到懶公平公正
    不過是旦啦 香港樂壇已死
    Ps:陳柏宇係對音樂有heart 佢唱歌就唱歌 唔似其他所謂歌手 又拍劇換獎 、簽大牌經理人果d 大家有眼睇

  • Hok Lam Kong
    Hok Lam Kong 於 02/01/2017 評論 NO. 17

    Aga 冇奬攞真心嬲

  • Delabun  Delabun
    Delabun Delabun 於 02/01/2017 評論 NO. 18

    黃抽筋有歌一定有獎攞!🤔🖕

  • Ferris Ho
    Ferris Ho 於 02/01/2017 評論 NO. 19

    親友團

  • Stigbaby Leung
    Stigbaby Leung 於 02/01/2017 評論 NO. 20

    咁流仲有人看‼️

  • Terry Au
    Terry Au 於 02/01/2017 評論 NO. 21

    因為係頒獎唔係選舉

  • Chan Ho Wang
    Chan Ho Wang 於 02/01/2017 評論 NO. 22

    “沒有你 我甚麼都不是”乜都冇都好5合理囉

  • Keith Luk
    Keith Luk 於 02/01/2017 評論 NO. 23

    對依 d 分獎禮唔好咁認真啦

  • Buzz Hou
    Buzz Hou 於 02/01/2017 評論 NO. 24

    還我AGA

  • Mars Lai
    Mars Lai 於 02/01/2017 評論 NO. 25

    其他我唔評論...但"奠"欣宜...(你懂的...)
    最不知所謂歌手非佢莫屬...影到歌都唔得,但就因為肥姐而得到直航機機票...得個"靠"字...都算喇...
    減肥懶散,然後就自欺欺人...第一次聽佢首女神已經想反檯...自欺欺人到一個極點就係出歌...電臺節目到講到幾咁有個性,但用心諗多一層,都不過只係懶人借口...樣樣都借肥姐過橋...
    歌唱得差可以練,戲演得差都可以練...但佢個人品...唔練堅強反而想盡辦法合理化自己嘅不足黎造就一個幻想到不堪嘅價值觀...
    肥係有健康肥,但癡肥係好影響健康,但就講到好似成個世界都唔識欣賞咁...
    好似個唱片封面咁,想提出"常人"果一點,但都只係放隻手指係鼻孔到就講大道理,如果佢真係咁相信自己呢個道理,點解又唔真係掘舊野出黎影封面!?
    完美嘅精神害蟲...

  • Hans Inology
    Hans Inology 於 02/01/2017 評論 NO. 26

    無言

  • Steven Lei
    Steven Lei 於 02/01/2017 評論 NO. 27

    孤皺、圓、superman都好正,點會一首都入五到??成日話撐廣東歌,睇下你今晚頒D乜獎!

  • Kwan Yiu Cheng
    Kwan Yiu Cheng 於 02/01/2017 評論 NO. 28

    睇佢個台。再諗下幾日前mbc倒數,kbs,sbs歌謠大戰就唔想睇。
    台差燈光差連歌手都差。d歌又唔吸引。
    睇4眼昆我不如睇Bts,exo啦!歌又好過你。樣又好過你。星味爭9條街。
    唔係香港人唔撐廣東歌,而係香港十幾年完全無進步過。小圈子要r電台fd。
    好難怪咁多人轉聽kpop,jpop,歐美歌。
    連剩係識搵老母同肥做話題見報果個都最喜愛女歌手,金曲😂😂

  • Li Chun Hei Ivan
    Li Chun Hei Ivan 於 02/01/2017 評論 NO. 29

    903的分獎禮, 有需要認真嗎...

  • Tse Yuen Yung
    Tse Yuen Yung 於 02/01/2017 評論 NO. 30

    Aga is the best female singer in the year

  • Jacky Lau
    Jacky Lau 於 02/01/2017 評論 NO. 31

    5.Joey第11次

  • Chung Wai Tsun Gaspar
    Chung Wai Tsun Gaspar 於 02/01/2017 評論 NO. 32

    成個叱吒我最唔明組合金點解會係CAllstar,組合一直都係樂隊優先,因為大影響力。兩隊樂隊Supper Moment Dear Jane 今年超威,一隊2016出啲歌夠正,夠taste例如 風箏 沙燕之歌 同一等等...仲開埋10週年Band Show,夠睇頭。一隊今年推出愛情三部曲紅爆香港,加埋又開演唱會又推新專輯,夠正啦掛。仲有一隊RubberBand 今年麥花臣開show爆滿仲加場,紅啦掛。一隊CAllstar金證明樂隊死左?

  • Nero Lee
    Nero Lee 於 02/01/2017 評論 NO. 33

    山林道都冇 已經可以完左個topic佢

  • 丹尼爾。海的兩三事
    丹尼爾。海的兩三事 於 02/01/2017 評論 NO. 34

    成晚都係女神,叱吒女神之夜

  • Siu Ting Chek
    Siu Ting Chek 於 02/01/2017 評論 NO. 35

    #曲線要講明

  • Keith Wong
    Keith Wong 於 02/01/2017 評論 NO. 36

    感到失望

  • Ka Lung
    Ka Lung 於 02/01/2017 評論 NO. 37

    欣宜好慘

  • Wisely Chow
    Wisely Chow 於 02/01/2017 評論 NO. 38

    衛蘭都冇獎😑

  • Patrick Tung
    Patrick Tung 於 02/01/2017 評論 NO. 39

    原來 AGA 真是好好聽

  • Andy Wong
    Andy Wong 於 02/01/2017 評論 NO. 40

    轉聽新城啦。

  • Kennis Chow
    Kennis Chow 於 02/01/2017 評論 NO. 41

    無辦法啦!方晧文無打手⋯⋯

  • Siu Ping
    Siu Ping 於 02/01/2017 評論 NO. 42

    把鬼頒獎禮,不看也罷

  • Derek C W Wu
    Derek C W Wu 於 02/01/2017 評論 NO. 43

    其實作為一個子女,懷念母親點解會比人講到十惡不赦,佢只不過係比我地普通人多佐一個平台黎抒發佢對母親既掛念。大家話佢成日消費肥姐都係大家自己心入面覺得。但自己既母親已經不在世仲要比人話佢係消費緊佢母親,我覺得咁既講法有d不近人情。有時大家既稔法可唔可以唔好咁mean,有人仲叫佢奠欣宜,唔該真係積返d口得

  • Kam Jum Dang
    Kam Jum Dang 於 02/01/2017 評論 NO. 44

    睇到第一個獎係邊個攞就知有幾公平啦

  • Ng Chi Fai
    Ng Chi Fai 於 02/01/2017 評論 NO. 45

    乜娛樂圈都有真假咩?十年咁攞最佳電影,又唔啲戲院補放映!?

  • Toni Lee
    Toni Lee 於 02/01/2017 評論 NO. 46

    矛盾一生冇獎有點過份

  • Tsz Kin Wong
    Tsz Kin Wong 於 02/01/2017 評論 NO. 47

    我最喜愛 唔係投票架咩?

  • Kenny Yeung
    Kenny Yeung 於 02/01/2017 評論 NO. 48

    大家係度話我最喜愛既不是既同時,有無先諗下女歌手金獎?!佢今年算是歌手嗎?

  • Kelvin Lo
    Kelvin Lo 於 02/01/2017 評論 NO. 49

    明明叱吒頒獎禮目的是表揚歌手及創作人一年來的努力

    Are u sure

  • 張智健
    張智健 於 02/01/2017 評論 NO. 50

    陳志雲係商台咪又係捧TVB班人

  • Lai Cherry
    Lai Cherry 於 02/01/2017 評論 NO. 51

    #方皓文 好傷心,方皓文堅正,雖然欣宜都努力,但我覺得方皓文更應該攞~

  • Man Chi Li
    Man Chi Li 於 02/01/2017 評論 NO. 52

    叱吒年年都同其他盼奬禮唔同啦!

  • HO MK MO
    HO MK MO 於 02/01/2017 評論 NO. 53

    其實呢篇文是否都係抄其他人既post扮自已作??文中所寫的變項是咩來?獎項寫作變項? 仲有有無人可以說明咩係欣宜消費肥姐?

  • Nico Leung
    Nico Leung 於 02/01/2017 評論 NO. 54

    欣宜同偽毒可以拎叱吒
    張如城可以拎格林美

  • Nico Leung
    Nico Leung 於 02/01/2017 評論 NO. 55

    欣宜同偽毒可以拎叱吒
    張如城可以拎格林美 起碼佢有感染力 可以令全場都爆笑

  • Tsz HO Cliff Wong
    Tsz HO Cliff Wong 於 02/01/2017 評論 NO. 56

    我又唔覺陳柏宇唱功低過張敬軒wor😕

  • Choi Kwok Chung
    Choi Kwok Chung 於 02/01/2017 評論 NO. 57

    無人都唔好推坤哥啊大佬………真係有排都未到佢………

  • Cemon Louis Tsui
    Cemon Louis Tsui 於 02/01/2017 評論 NO. 58

    都唔明有咩咁好睇叱咤

  • Man Ying Cheung
    Man Ying Cheung 於 02/01/2017 評論 NO. 59

    Hiu Man其實我都唔明點解山林道無獎拎🤔

  • Lau Fung
    Lau Fung 於 02/01/2017 評論 NO. 60

    每況愈下

  • Wai Chung Yeung
    Wai Chung Yeung 於 02/01/2017 評論 NO. 61

    就係冇人認真對待,先會變成咁

  • 麻甩太郎
    麻甩太郎 於 03/01/2017 評論 NO. 62

    四個字 認真便輸了

  • 刘晓锋
    刘晓锋 於 03/01/2017 評論 NO. 63

    居然没谢安琪咯 是不是没出席就没有奖摞

  • Vincent Hon
    Vincent Hon 於 03/01/2017 評論 NO. 64

    還我Aga !!

  • 豪君
    豪君 於 03/01/2017 評論 NO. 65

    踏在母親的屍體上拿下獎杯

  • Nicky Teo
    Nicky Teo 於 03/01/2017 評論 NO. 66

    認真 人地之前咪減左肥咯 點解瘦就一定係健康? 你地根本就係覺得瘦就係靚瘦就係健康 呢d先係偏見 有d人天生肥底 有d人食小小都肥 欣宜有無做運動你同我都唔知 我覺得要攻擊佢肥或者咩放縱自己真係站唔住腳 利申唔係fans

  • Terrance Leung
    Terrance Leung 於 03/01/2017 評論 NO. 67

    話時話,如果整個歌迷投票10大金曲,有無得諗!
    最愛男女歌手!
    #認真Mode !

  • 梁家齊
    梁家齊 於 03/01/2017 評論 NO. 68

    欣宜唱歌真係麻麻,我覺得其他女歌手方皓旼,AGA嘅唱功仲好。仲有陳柏宇咁都冇真係有啲嬲。

  • Cheri Chung
    Cheri Chung 於 03/01/2017 評論 NO. 69

    支持陳柏宇

  • Ricky Utopian
    Ricky Utopian 於 03/01/2017 評論 NO. 70

    另外,今年現場投票改左玩法,個人覺得係有問題⋯⋯

  • 馮生
    馮生 於 03/01/2017 評論 NO. 71

    一個二個都輸打贏要,明明就網上投票,e+比民主,唔夠人多又話做馬,香港樂壇先加速死亡

  • 馮生
    馮生 於 03/01/2017 評論 NO. 72

    你估tvb 咩,tvb 個個奬都講最受歡迎,同903 計播放指數唔同

  • KennetHong Kwong
    KennetHong Kwong 於 03/01/2017 評論 NO. 73

    "可是今年AGA在頒獎禮竟然一個變項都得不到".......咩係"變項"?

  • Steve Lau
    Steve Lau 於 03/01/2017 評論 NO. 74

    上網睇下欣宜減肥法,欣宜減肥食譜,之前話一定要瘦努力唔比人笑,代言減肥當然有錢收,同平民唔同。
    剛學唱歌就上TVB秋官出鏡支持,走音唱唔到又諗起肥姐又喊。
    到食得多又話唔減肥又要提肥姐。

    其實有冇光頭, 矮,樣衰,大口等等,,,,既歌手不停出現都提自己既缺點。
    有冇邊個星二代日提夜提自己阿媽。
    到最尾大家要既係唱功。

  • Yin Pui
    Yin Pui 於 03/01/2017 評論 NO. 75

    佢地唱歌唔好聽咩?

  • Yu Hong Hong
    Yu Hong Hong 於 03/01/2017 評論 NO. 76

    你有矛盾啦 你話知道叱咤個頒獎係跟點擊率排 山林道高過女神 但女神有獎 山林道冇

  • Yee Ying Tang
    Yee Ying Tang 於 03/01/2017 評論 NO. 77

    我真心覺得佢地首歌hit 喎!我仲比錢download 㖭。

  • Ah Ming
    Ah Ming 於 03/01/2017 評論 NO. 78

    其實女神唔係唔好聽 知不過你是你本身的傳奇輸比佢係好唔抵

  • Marjill
    Marjill 於 03/01/2017 評論 NO. 79

    自從楊芊驊得獎已覺叱吒無代表性。

  • vereinsamung
    vereinsamung 於 04/01/2017 評論 NO. 80

    Dear Jane啲歌點睇都受歡迎過callstar

  • charlesshum
    charlesshum 於 05/01/2017 評論 NO. 81

    做歌星 做明星 樣同實力起碼要有一樣 但欣宜樣又無 唱歌把聲又唔好聽(但佢以為自己好好聽 比較起台灣同大陸的歌手只算係業餘級)但佢無自知之明 仲要成日靠關係出境 見九到都眼冤

  • charlesshum
    charlesshum 於 05/01/2017 評論 NO. 82

    其實唔係肥定瘦嘅問題 而係佢d歌根本唔好聽 韓紅仲肥但無人覺得佢無實力 個個都認同佢唱歌好出聲

  • charlesshum
    charlesshum 於 05/01/2017 評論 NO. 83

    我情願聽張如城

  • lonelyalvin
    lonelyalvin 於 06/01/2017 評論 NO. 84

    gin lee識鬼作歌,唔係有aga傍住創作同加多把磁性聲音,鬼會聽佢d歌,把聲又唔夠獨特,雙雙真係幾普通

快捷鍵:←
快捷鍵:→