洩密者們:浪費了一個好題材

Movie is my language 於 24/06/2018 發表 收藏文章
觀影前看了一下IMDb,只見邱導這部新作當時只有5.2分,仲深怕自己又一次中伏,繼寒戰2後又一次衰在港產片手上。好彩(或者因為有心理準備),睇完之後覺得依套戲都總算係合格有餘,亦都好睇過拆彈專家(可能只不過是因為一山還有一山低)但就一如邱禮濤其他作品般比上不足 比下有餘。

老實講,今次洩密者們的題材其實唔錯,針對權貴的偽善同利益輸送,如果處理得好其實可以大有文章,但execution 呢⋯⋯ 就好似差D囉。套戲由頭到尾都充斥著動作戲,雖然感覺係動作設計有D行,但密麻麻咁總算靠怏彌補咗,最大的問題反而出在少有的文戲,不但太短,而且仲有D唔知想點 (特別係兩位男主係警署個幕)。唔單止人物欠足夠深度同欠立體(鄭則仕便原全是平版的為奸而奸),亦都講唔清「洩密者」到底有何身世,係本身就存在定係由劉浩龍等為咗踢爆佢阿爸而特登整出來嘅。另一個較大的問題則是直白的敘事手法(特別是開頭放蚊個幕彷如慌死無人知個病係人造嘅),令套戲嘅所謂「揭秘」原全係 as expected, 亳無驚喜,推唔到個 plot 上 climax, 要依靠動作戲帶動氣氛。至於plot hole 亦當然存在,不過今次問題就唔大囉。

至於今次要讚的除左有用得不錯嘅配樂外,仲有一眾演員嘅演出(exclude 劉浩龍同張智霖, 佢哋既演技始終都係流於表面)。由男主到串星,佢哋都大致入戲(當然尚有改善空間啦),剛於東方華爾街中表現一般的吳鎮宇做返D無咁 reserve 嘅角色亦回復水平,而一眾綠葉如鄭則仕的表現亦恰到好處。 (劇透警告)另一樣我好欣賞嘅就係佢個結局,係咪因為有D野係做左都唔會有結果所以就可以唔做呢?要改變社會,我們絕不能只著眼於剎那的得失,雖然去到最後 big boss 都只係因為誤殺而坐監,成功打掉其他貪污等指控,但洩密者其實已經成功揭穿左好似佢咁嘅權貴嘅偽善,開始改變緊呢個社會,也正好告誡我們香港人,要改變,絕不可急於求成。

(個人觀感:其實如果套戲 focus 系文戲到,而主線由查案變成追蹤新聞的話,其實會更加配合今次呢個題材……)

演員演技:18/25 – 兩極,要不就是很好,要不就是很爛,但幸好演技好的演員仍是居多的
劇情設計:15/25 – 有很多東西都説不清楚... ...
劇本深度(對主題的探索):12/20 – 失望,但仍比普通合拍片好
導演技法:18/30 – 普普通通,不過不失
整體:63/100 - 合格,但有點失望(邱禮濤應該可以做的更好的吧?)

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→