《飞虎之潜行极战》:令人納悶的大卡士警匪劇。

趣談電影 於 21/05/2018 發表 收藏文章
《飞虎之潜行极战》屬無線近期重頭劇集,而且更是邵氏與優酷聯手合作,對大陸市場亦野心勃勃,在表面看來,雖然人物角色多蘿蘿,亦算大卡士,場景攞shot都好靚;但可惜劇情有點牽強,角色關係常常造出無謂的緊張氣氛(但可惜完全唔緊張),另外對白亦過份刻意造作,好像想帶出一些訊息,可惜感覺有點不連戲,而且演員的衣著都有點不現實、浮誇(可能因為是邵氏與優酷合作的關係,主要觀眾群是國內)。

首先,主題曲找來林峯與MC Jin合唱,兩個都是唱得之人,感覺絕對強勁,但其實卻沒有什麼火花,有點格格不入。
另外,演員方面,大部分都是一些非常公式化角色(除了主要角色外,大部分的三四線角色都是走來走去,完全接近佈景板功能)。
而看著三哥苖喬偉重重複複的演差佬角色,完全定哂形,雖然演技合格,但真係睇到悶。
吳岱融自從返回電視劇後,大部分的演出都是受人歡迎,但可能之前他的奸人角色太入心入肺,到現在飾演的正義角色(暫時係,之後唔知),都好像脫離不到奸人形象,而且此角色經常性火爆,吓吓鷲哥上身(對不起,佢係巨輪2的高天鷲演得太深入我心),佢連呢套戲都係姓高,現在好像做唔到好人角色。
反而張兆輝就出奇地演得差,尤其面部表情硬晒軚,生硬程度就好似打咗botox咁。
唱K係大陸撈咗幾年後好像連髮型都國內化咗,而他的衣著,似時裝設計師多於似常常出勤的警察,特別外眼是他的鮮黃色手錶仔,做show多過做差人,完全俾人點哂相。
而最後是表現較為出眾出位的唯唯,他角色令人想起Boy George, 但我反而覺得佢嘗試扮Joker咁(係Heath Ledger嗰種),不過無論如何,他是較為突出的一位。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→