林作大戰鍾培生辣火頭，麥明詩出帖狠批二人侮辱女性 精選

林作同鍾培生兩人既網絡罵戰最近搞到熱哄哄！鍾培生更係IG Story向林作下戰書，表示「我地打一場（拳賽），你（林作）贏左我（鍾培生）幫你找100萬，你輸左我都比30萬出場費你」！
今日林作就係社交媒體表示願意接受鍾培生既挑戰，仲信心滿滿話 "let's go. No pussy",更挑機話「打殘鍾培生計劃，由今日開始。」鍾培生見到之後亦cap圖出post回應，仲係帖子揶揄林作係女人，仲話：「我從來唔打女人，你（林作）將會係第一個。」鍾仲話要簽約作實！火藥味夠曬漲，真係未開打先興奮！

而兩人之間既罵戰亦惹來林作舊愛麥明詩加入戰團！莫非佢仲依然力撐前度？梗係唔係啦！麥明詩係社交媒體係批評佢地兩個既言行係侮辱女性，仲話佢地既母親係生佢地個陣已經比佢地強，更呼籲佢地停止侮辱女性。

引用你地兩個打還打, stop making sexist remarks. Vaginas are no weaker than penises. Your mothers had more courage and strength than both of you when they gave birth and raised you. Stop equating weakness and cowardice to women.

兩人罵戰咁激烈時仲有同樣惹火既麥明詩加人，究竟兩人對麥明詩既批評有咩回應呢？但可以肯定既係呢場罵戰實越來越激烈！