ViuTV 「Double S」三點式行山硬撼大台《3日2夜》?! 精選

憑藉《辣伙頭》而備受男網民歡迎的沈殷怡及陳欣妍，不但英文名同叫Shirley，兩人亦都同樣擁有一副豐滿的身材，因而被網民稱為「Double S Double May」。見到網民反應咁熱烈，ViuTV就把握機會為兩位「Double S (May)」加開節目──《美女郊遊遊》！今日仲出左宣傳片更加令一眾網民大為期待！
行山節目就睇過喇，睇住女主持人著三點式行山又真係第一次！平時老衲行山都最多只會見令女著Sport Bra咋！呢個節目揉合左大台《山系女行Yama Girl》同《3日2夜》既長處，睇黎ViuTV今次真係要出大絕同《3日2夜》硬撼喇！睇返網友大部分既留言當然都係有所期待啦，不過亦有網民提醒大家今日係四月一日愚人節，所有宣傳片既內容都唔可以作準，要到節目開播先見真章......

老衲就同眾多網民一樣，希望宣傳片既內容唔會只係節目內容既一小部分啦，圖文不符既話咁會令大家非常失望架！其實既然ViuTV咁多令女，老衲就覺得可以叫佢地一齊行，甚至邀請埋我地一班網民上節目，大家有冇覺得呢個idea非常吸引呢?

4月13日
晚上10點半《美女郊遊遊》首播！