肥媽節目靠害介紹人食鯇魚魚生 ，食安中心出post呼籲:切勿進食淡水魚生

大台近日不斷推出有關介紹高鐵旅遊同埋大灣區生活既電視節目，係今個星期二播出既第6集《大灣區活好D》，美祺bb同另外一位女主持林伊麗仲親身嚐試鯇魚魚生既滋味！要知道淡水魚本身含有好多寄生蟲，生食鯇魚根本就係玩命，隨時會感染肝吸蟲，慢性肝吸蟲感染會損害膽管和肝臟，增加患上膽管癌的風險。


睇返個集《大灣區活好D》既介紹，個男嘉賓就咁叫2位兩女主持將d生油同菜絲撈落去d魚生到拌食，美祺bb食到津津有味，但要知道生油根本冇可能殺死魚肉入面既細菌同埋寄生蟲，咁即係又要勞煩體內既嗜酸球姐姐出動喇！


節目播出後就引起政府衛生部門既注意，食物安全中心就係FB出post指「最近有電視節目介紹用鯇魚製作魚生，引起中心關注。」並指出「酒、醋、日式芥辣、黃芥辣及香料均不能殺死包括中華肝吸蟲在內的寄生蟲。」所以生食淡水魚刺身就會有極高既風險感染寄生蟲。
衞生署衞生防護中心今朝都出post指鯇魚必須徹底煮熟先可以食。

唔少網民都直指節目靠害，其實引起大家咁大反嚮唔係冇原因既，事關早排連鎖壽司店爭鮮就比人「回帶」踢爆曾經係2012年售賣淡水魚刺身壽司，引起網民到爭鮮既FB page洗版，但大台今次又要重複同樣既錯誤，阿寶又冇得抖了！