【屍殺帝國】屍群殺入古代！玄彬、張東健男神聯手殺滅喪屍！ 精選

近日有消息指《屍殺列車》既續集──《屍殺列車2:半島》(暫名)有機會係2019年上半年開拍，令到唔少睇過《屍殺列車》既觀眾充滿期待！正當大家翹首以待續集上映既時侯，《屍》既製片公司「NEW」就係近日公佈全新作品《屍殺帝國》既預告片，必定再掀起喪屍熱潮！
看點1:玄彬張東健兩大男神大首度合作
《屍殺帝國》由男神玄彬同張東健擔任雙男主角，相信大家都唔會對呢兩位韓國男演員感到陌生。雖然兩位男神係影壇打滾多年，但今次既合作都係佢地既第一次，兩人分別會係戲中飾演「兵部重臣」同「朝鮮王子」，仲會同喪屍掀起連番既惡鬥！
看點2:古代時空，倍感新鮮
喪屍片既時空背景一般都會設立係現代，場景不外乎係主角攞住支火力強大既槍械去SM喪屍，睇得多係人都覺得悶啦！而《屍殺帝國》既背景就設立係古代既朝鮮李朝，要知道極少喪屍片會利用古代作為時空背景，就係呢點已經令到貧僧感到新鮮，再加上古代人只有刀劍之類既冷兵器，預計片中必定會有大量近身廝殺既場面，令到血腥程度急速爆表！！！
《屍殺帝國》預計係今年年底係香港上映，觀眾們到時記得要買飛入場喇！

【預告】《屍殺帝國 RAMPANT》| Moviematic電影對白圖