Chef Le Mon扶乩式擠醬,網民抵死留言笑爆肚

方丈 於 02/12/2017 發表 收藏文章
柒片回顧 Part 4 —— 柒十二道鋒味
唔知各位仲數唔數得出Chef Le Mon係《十二道鋒味》入邊煮過既經典菜式呢?例如淋過濕毛巾既雞蛋仔、加入大量鐵質兼一滴鼻血既威靈頓牛扒同埋整到好似雞子咁既叉燒分子料理。加上佢又有一手獨特既烹飪手法,例如徒手fing蕉,一舉手一投足都令觀眾們嘆為觀止。

柒片精選——「米芝蓮柒星級大廚」謝霆鋒又柒多鑊

而沉寂左一排既Chef Le Mon近日又當眾show off佢既烹飪手法,前日佢係新濠天地既《米芝蓮「星」色晚宴》以扶乩式既手法黎整甜品,Chef Le Mon手持兩支黑白既朱古力醬,雙手在桌上狂亂舞動,就如扶乩時神明附身,又帶有幾分「掟結他」的不羈同狂野;膠樽內的黑白汁醬飛射而出,汁醬縱橫交錯地佈滿在桌上和地上,就如神明給世人指點迷津的啟示。突然,Chef Le Mon猛烈地收回雙手,轉身一chok,不帶走一片雲彩,這道「彩虹鮮花拔絲」橫空降世,是廚神留給世人享用的甜品。

網友看完Chef Le Mon既表演後都忍俊不禁,恥笑聲此起彼落,更有網民封佢做「米芝蓮柒星級大廚」,
部分網友仲留低抵死啜核既留言,香港網民真係創意無限:

Ryan CP Wong:咁靚仔既智障係好少見

Asrd Ka Katelepathic:咁梗係水晶膠加雙氧水啦!唔係我撩到個字出黎!你一早知架嘛呢D野

Hatake Kakashi:考試尚餘一分鐘

Sugar Choy:我啲女平時都會攞啲白膠漿咁玩

King Jer:Chef Lé Mon(暴走模式)
超必殺技:威化般乾脆 · 爆射亂舞
⬇️↘️➡️⬇️↘️➡️ + A/C

(以上留言從King Jer娛樂台選取)

貧僧就覺得人又點會明神既世界,但睇到枱上同地下個d互相交纏既黑白汁液,真係要同個晚班清潔工人講聲:「辛苦曬!」


標籤: 謝霆鋒  

留言


請按此登錄後留言。未成為會員? 立即註冊
    快捷鍵:←
    快捷鍵:→