事隔三年，「洗腦神曲」《越難越愛》重現江湖...... 精選

「無懼世事變改　還是越難越愛　為你所以在期待......」──《越難越愛》
貧僧相信大家一定仲會記得呢首由吳若希主唱既「洗腦神曲」，想當年呢首歌係大台電視劇《使徒行者》入邊日loop夜loop，尤其是劇情一涉及Kobe(沈震軒 飾)同莫羨昕(陳敏之 飾)既時侯，呢首歌就會瘋狂「亂入」。雖然觀眾開頭對歌曲既評價不錯，但首歌「亂入」既次數實在太多，久而久之大家都開始覺得煩厭。但估唔到事隔三年，呢首「洗腦神曲」竟然一晚係兩套唔同既劇集重現江湖......
尋晚既《愛回家》講述KC(歐瑞偉 飾)自覺愧對Helen(姚瑩瑩 飾)而借醉消愁，仲唱左《越難越愛》既歌詞出黎，Helen睇到KC既親筆書信之後知道後者既心意，之後兩人係露台相遇，首歌又係呢個時候亂入！
之後到八點半既台慶劇《老表，畢業喇！》，套劇既片尾曲《越辣越愛》就係改篇自吳若希既《越難越愛》，根據劇集監製黃偉聲既介紹，，王祖藍所飾演既角色「蔡芯」為左「推廣」佢既「蔡芯咖哩魚蛋」，就仿效吳若希既歌曲，創作出以「咖哩魚蛋」為歌詞既惡搞歌曲《越辣越愛》，祖藍仲邀請左Jinny唱惡搞版既《越》，惡搞出黎既《越辣越愛》一推出後就毀譽參半，有人就話祖藍扮Jinny係MV游黎游去非常搞笑，亦有人話惡搞版非常無聊，直情想熄電視咁話喎！至於貧僧就覺得首歌既填詞非常夾硬，全歌只充斥住「咖喱魚蛋」4隻字，真係好想問下填詞個位究竟返開邊間教會！惡搞版本既《越辣越愛》比原版更煩膠更洗腦，貧僧相信唔少人一聽到首歌肯定會有股衝動想熄左部電視佢！

吳若希&王祖藍合唱越難越愛/ 越辣越愛

作為《使徒行者》系列既前傳，究竟《越難越愛》會唔會再係《使徒行者2》出現呢?暫時播到第7 集都唔見首歌出現，相信首歌係《使2》出現既機會都不大，觀眾們大可以放心~~