以「大波女侍應」作招徠既美國連鎖餐廳Hooters係舊年8月登陸香港，仲係中環蘭桂坊既雲咸街租左兩個地舖十年。但係香港開業只有一年既Hooters近排陷入財政危機，事關業主指餐廳自今年4月開始就一直拖欠租金總共112萬，日前業主已入稟高院要求對方交吉、還清拖欠租金同比埋交吉前既租金收入。如果問題解決唔到，Hooters都可以係咁先~~其實餐廳開業半年之後已經浮現唔少問題，當初開業請個7位女侍應只不過半年時間就只剩番一個，當時有前員工已透露因為承受唔到傳媒同婦女團體既批評而離職。其實香港人既衣著觀念比外國保守，一時三刻夠難接受外國既文化衝擊係人之常情。另外，香港寸金尺土，係咁貴租既情況底下如果未能吸引大量客人黎幫襯，餐廳就會好難發展落去。外國品牌有時唔係個個受，睇番2012年A&F係香港係威係勢，一眾肌肉猛男係中環半裸上陣，令到唔少港女趨之若鶩，但A&F有頭威冇尾陣，本身產品既market太窄，加上頂唔住黃金地段既租金，公司終於係舊年關閉係中環畢打街開業只有四年幾既旗艦店。至於Hooters會唔會步A&F既後塵雖然仲係未知之數，但能唔能夠渡過今次危機，貧僧就唔睇好喇!
請按此登錄後留言。未成為會員? 立即註冊