每次打風都會諗起既趣事!!!

「天鴿」襲港，力戰「李氏力場」，大家一陣仲洗唔洗返工就不得而知。但每次一打風都會勾起老衲對一件事既回憶......事源2013年8月14日，颱風「尤特」吹襲香港，天文台係8月14日凌晨1時40分發出八號東南烈風或暴風信號，當時唔少人都認為係「李氏力場」既保護下，天文台會係朝早改發3號風球，確保香港唔會停工停課。而係前一日，當時有一位名叫Fat Tsoi既網民係Facebook表示「聽朝八點後(2013年8月14日)仲有八號波的話我去西洋菜街全裸倒立扮狗吠」不幸既係，到左8月14日既早上八號風球依然生效，Fat Tsoi成為少數能夠戰勝力場既人士，但佢賭輸後未有找數，只係Fb留下一句「呸，假風，唔計」宣告「走數」。由於呢件事實在太經典，所以每逢打風都會令到唔少網民「回帶」甚至上門「追數」。提提大家，呢位人兄直到四年後既今日都仲未找數架~~