TVB經典硬膠節目──《謎》

方丈 於 26/07/2017 發表 收藏文章
唔知各位讀者仲記唔記得十年前TVB曾經播過既《謎》呢?《謎》係一個探索世界各地奇怪現象同事件既節目,主持人除左有「丁蟹」鄭少秋之外,仲有主持過《最緊要正字》而為人熟悉既作家王貽興同埋2006年香港小姐季軍、人稱「長腳蟹」既呂慧儀。《謎》每集都會介紹一d老生常談既世界各地不解之謎,例如人體自焚之謎、水怪之謎同麥田神秘圓圈之謎等等,但節目往往都唔會解答到呢d謎團,到節目完結兩位男主持人通常只會拋低一句「仍然是個謎」草草了事,老土到極,當時有網友仲批評王貽興姿勢造作,講野個陣好似「含住粒欖」咁;至於扮演「謎女郎」呂慧儀就更加好笑,佢係個節目中只會講「Adam鄭,file」呢句對白,出場個陣又成日轉黎轉去,令人不勝其煩,當年有位網民就話「謎女郎」既存在本身就係一個謎,更有網友笑指呂慧儀著紅裙轉來轉去個陣好似「女鬼」,高登仔甚至整左張GIF惡搞「謎女郎」原地自轉,相當抵死!
「謎女郎」原地自轉GIF
王貽興主持節目既表情同動作都好生硬...

雖然節目播出後劣評如潮,但觀眾邊罵邊睇既態度卻造就左TVB既慣性收視,第一輯《謎》首周播出就有廿三點收視,以綜藝節目黎講收視算係幾高,而《謎》亦因為高收視而加開第二輯。第二輯《謎》係2009年中播出,除左保留秋官同長腳蟹之外,仲新加入左扮謎女皇既羅蘭姐頂替離開左TVB既王貽興,兩位舊主持係第二輯既表現都比上一輯有所改善,呂慧儀對白多左而且再冇莫名其妙咁轉黎轉去,反而謎女皇羅蘭不停上落樓梯同講英文,並且集集都不停講膠句,例如Oh,Incredible、Oh,my god、That's amazing等等,引起觀眾反感。而第二輯既收視就比首輯高,平均25點,比第一輯高2點同增加左13萬名觀眾,最高收視點仲有成27點。
網友惡搞一眾主持 XD

由於年代久遠,兩輯《謎》係網上只有零散既集數同片段,幸運既係筆者係Youtube搵到第二輯既首集~~

如果喜歡我們的文章,請即分享到︰

標籤: 鄭少秋  王貽興  呂慧儀  羅蘭    TVB  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→