2018華姐質素參差，雷莊𠒇忽成大熱門！！！ 精選

一年一度既《2018國際中華小姐競選》將於下個月3日舉行，而16位佳麗於今日下午首次會晤傳媒。每次選美大家最關心既當然係佳麗既樣貌同身材啦！而舊年因為樣貌問題而飽受批評既港姐冠軍雷莊𠒇一出場就予人一種耳目一新既感覺，或者係其餘既佳麗質素太參差既關係，有唔少人都覺得雷莊𠒇比舊年參選港姐時索左，而貧僧就覺得雷比起舊年參選時少左股『快樂蜂』既味道！分分鐘成為三甲既人選都未定架！

3號香港代表雷莊兒、10號紐約的李思佳、16號溫哥華的伍殷嬅

來自紐約既李思佳皮膚白滑，笑起上黎仲貌似「小龍女」劉亦菲，必定係本屆佳麗既大熱之一！而16號既伍殷嬅就有幾分似04年華姐冠軍鍾嘉欣，又係另一三甲人選。

2號夏威夷楊筑晶、6號洛杉磯的劉思延、14號大溪地的鐘梓甜。

2號楊筑晶驟眼睇落有幾分似蔡思貝，但身形就份量十足，高5呎11吋既佢體重有成148磅，比唔少男人仲要大隻。至於來自洛杉磯既6號劉思延都係身材豐滿既一族，亦算係熱門佳麗之一。

11號三藩市嘅高詠堃(上)、8號墨爾本嘅史孟冰(下)
11號佳麗高詠堃同8號佳麗史孟冰既外貌帶有幾分「譚仔雲南米線」姐姐既味道~~

4號吉隆坡鄭亦庭、13號悉尼孟鈺、14號大溪地鐘梓甜。
呢組佳麗都係陪跑居多

2號新加坡蔡美琪、5號老撾王妮芬、15號多倫多蔡菀庭。
來自老撾既5號佳麗王妮芬笑容甜美，仲有幾分似傅嘉莉，身旁兩位佳麗頓時被比下去。
7號馬尼拉吳雪蓮(黑裙)

來自馬尼拉既7號佳麗吳雪蓮同2號楊筑晶一樣同屬高頭大馬一族，但一副國字臉令佢更為搶眼！


圖片來源:蘋果