長壽節目《都市閒情》「大結局」,同你回顧多個難忘既經典時刻

方丈 於 28/09/2018 發表 收藏文章
曾幾何時,有人問過《都市閒情》幾時會大結局,當時好多人一笑置之,但到左今日終於一語成讖,《都市閒情》係今日播出「最後一集」,並會係下星期一(1/10)開始播放新節目《流行都市》,冇好似傳聞中將節目改名做《Big City Shop》。睇返大台官網既節目表已顯示下星期一1:20PM會播放新節目,據知「大王」安德尊、「大小姐」林淑敏、彭慧中、姚嘉妮與宋芝齡等主持以及製作團隊都會過檔到新節目。

《都市閒情》即將「曲終人散」,但26年來都帶走唔少難忘既回憶比觀眾,最引人注目梗係一眾女主持既白滑長腿,當中彭慧中更係因為一雙美腿同傲人身材而係網路上人氣急升,仲引死唔少巴打添!

另外當然唔少得李錦聯VS安德尊,兩人係廚房上演唐牛大戰史提芬周既戲碼,差在未使出輕功同摺凳,李師父將內力貫注係掌心,使出幾下「火雲掌」拍在大王身上,企圖奪回鑊鏟,但大王猶如神功護體絲毫無損,兩人你爭我奪,戰況仲熾熱過爐頭上隻抄鑊!但隨住李錦聯離開大台,相信此情此景會成為絕響......

資深d既觀眾必定會記得「好戲連唱鬥一番」既參賽者「娃娃男」黃宏舜,當年佢以獨特既唱腔同奇怪既舞姿──「酒杯手」去演唱名曲《娃娃愛天下》,不但被江華批評得體無完膚,更惹來眾人的嘲笑,其後更被傳感染「沙士」而病死,但他卻係3年前受邀請作出業餘演出,身體力行打破傳聞,風頭一時無兩!

講返新節目《流行都市》,根據節目簡介,大台表示「節目為觀眾介紹時令產品、健康養生、健體運動、護膚化妝、時尚服飾、嬰幼兒護理、飼養寵物等潮流資訊,內容包羅萬有!主持們親身體驗、示範或測試之外,還會邀請嘉賓帶來相關專業知識。」而且仲會保留烹飪節目,所以新節目基本上只係一個改左名既《都市閒情》........

如果喜歡我們的文章,請即分享到︰

標籤: 都市閒情  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→