細數歷年台慶的經典「膠」事!

方丈 於 15/12/2018 發表 收藏文章
鄧健泓見財化「屎」(2005)
鄧健泓被抽中成為「台慶發達大利是」環節中既幸運兒,但奈何主持叫左佢既名三次都冇出現,最後佢封三萬八千蚊既大利是就落左係陳敏之手上。原來抽獎個陣鄧健泓正係廁所「爆石」,事後先知自己中獎。一班得勢不饒人既網民起勢恥笑鄧健泓係見財化「屎」,更笑指佢既財運同星途一樣咁暗淡。6年後既2011年台慶,鄧健泓係當晚既抽獎環節嬴得總值一百萬既獎金獎品,終於一吐多年既烏氣。


馬國明「O嘴」呆立當場(2012)
馬明當年憑著《On Call 36小時》成為「視帝」既熱門人選,但當屆既「視帝」獎座最終就「半爆冷」落在係黎耀祥手上。黎耀祥當選視帝一刻,鏡頭捕捉到馬國明O嘴呆立當場,被網友笑指為「灰足36小時」。馬明舊年係大熱既情況下輸比王浩信,今年淨係出演過一套《深宮計》既佢當選「視帝」既機會亦十分渺茫,「馬國明幾時可以放假一天」,老衲都不得而知......

坤哥扮棋,全港笑死(2014)
吳業坤係2014年既《萬千星輝賀台慶》上同何遠東飾演一隻比人「呼之則來,揮之則去」既棋子,全場零對白,惹黎一眾網民(尤其係高登)既恥笑。但兩隻「棋子」係接下來既幾年皆人氣急升,算係因「柒」得福。

『吃雞唔到蝕渣米』(2015)
2015年既《萬千星輝頒獎典禮》播出期間其中一幕係植入式廣告硬銷KFC家鄉雞,一眾藝員係鏡頭面前食雞,因而令觀眾反感。事後通訊事務管理局接獲15宗投訴。最終,TVB被罰款15萬,但不服裁決而進行司法覆核

如果喜歡我們的文章,請即分享到︰

標籤: 台慶  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→