眼力大測試!原來這堆紅人也曾在Marvel電影中出現......

方丈 於 16/04/2019 發表 收藏文章
距離《復仇者聯盟4終局之戰》既上映時間仲有差唔多一個禮拜,唔少Fans都趁呢個空窗期睇返Marvel過去既作品黎吊癮,唔知大家有冇係翻睇過程中發現、原來呢批紅星都曾經係Marvel既電影出現過:

麥迪文(Matt Damon)
如果曾經睇過《盜海豪情》同埋《叛諜追擊》,相信戲迷都唔會對呢位荷李活紅星感到陌生,麥迪文曾經係《雷神3》客串出演一位飾演「邪神洛基」既話劇演員,佢之後亦都係《死侍2》客串飾演一位肥佬司機,真係觀察力差d都察覺唔到佢既存在!
係《雷神奇俠3:諸神黃昏》(Thor: Ragnarok)中,Matt Damon出演一位飾演「邪神洛基」既話劇演員
麥迪文係《死侍2》既造型(左),唔講都唔知係佢黎......

畢彼特(Brad Pitt)
畢彼特係另一位係《死侍2》客串過既超級紅星,佢係戲內飾演一位具有隱形能力既變種人,因為空降時發生失誤仲慘被電死,所以係戲內只有一秒既戲份。另外,畢彼特原本係飾演「雷神」既熱門人選之一,但角色最終落係當時名氣唔算大既基斯咸士禾夫(Chris Hemsworth)手上。

森姆尼爾(Sam Neill)
大家有冇覺得呢位「奧丁」非常熟口熟面?呢個角色係由紅星森姆尼爾客串飾演,而佢亦係初代《侏羅紀公園》既男主角!曾經參與電影系列第一同第三集既演出。

盧克咸士禾夫(Luke Hemsworth)
盧克咸士禾夫係《雷神3》客串飾演扮演「假雷神」既話劇演員,現實中佢係「雷神」基斯咸士禾夫既親大佬。

珍妮花·康納莉(Jennifer Connelly)
呢位90年代「仙氣女神」曾經係《蜘蛛俠:返校》客串聲演蜘蛛俠戰衣既人工智能。其實早係2003年,珍妮花已經係李安版既《變形俠醫》擔任女主角!至於佢現實中既老公就係飾演「幻視」既保羅·巴特尼(Paul Bettany)!

伊隆·馬斯克(Elon Musk)
馬斯克曾經係《鐵甲奇俠2》客串飾演羅拔唐尼既生意伙伴,現實中既馬斯克係一位既高科技行業既企業家,佢係90年代尾聯同其他伙伴創立PayPal而聲名大噪!另外佢亦有涉獵太空科技同埋智能汽車等生意範疇,由於佢係高科技行業既鉅子,所以馬斯克又被譽為「現實版既Iron Man」!

范冰冰
舊年身陷逃稅風波而「潛水」三個月既范冰冰都曾經客串過《鐵甲奇俠3》,但國際版有關佢既戲份就被全數刪剪,所以只有中國既版本先可以睇到佢既演出。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→