新一輯《美女廚房》首播就劣評如潮,網民高呼:還我鄭中基!!!

方丈 於 03/06/2018 發表 收藏文章
新一輯《美女廚房》首播,劣評如潮就屬意料之內,畢竟主持名單大換血,由鄭中基、方力申同梁漢文變成阿Bob、蕭正楠同張振朗,齋睇名單已經夠「趕客」!而家就等貧僧同你講下呢一輯《美》究竟衰d咩:

1.主持功力不足
其實本輯節目最大問題係出現係主持身上,平時「聲大大」既阿Bob本身已經冇咩觀眾緣,蕭正楠同張振朗既主持功力不足,無法帶動氣氛,回想返頭兩輯《美女廚房》既主持人既形象都係十分鮮明,鄭中基同方力申講野夠賤夠抵死,擔當「下把」既梁漢文敢食敢試,連生既都夠膽放入口,同樣令人印象深刻。但而家呢3個主持人帶動氣氛既能力實在太差,如果唔係有陸永同C君在場,相信唔少觀眾早已熄機!因此有好多網民都高呼還我鄭中基!!!


2. 女嘉賓冇咩綜藝感
第一集請既女嘉賓都係TVB既女藝員,分別係陳凱琳、黃心穎同龔嘉欣,嘉賓卡士比當年弱太多,想當年連台灣天后蔡依林都請到上節目,但而家只能靠自家姐仔撐場,氣氛當然遜色不少!另外亦有唔少網民指班女嘉賓冇咩綜藝感,可能大家都好懷念吳雨霏火燒廚房吧!

3.冇現場觀眾
今集冇現場觀眾,少左股熱鬧氣氛,而且觀眾做「白老鼠」試食既反應亦非常惹笑,最經典一幕莫過於某位少女試食Gem整既魚蛋後急急衝去廁所扣喉!

好多網友都話應該要搵農夫做主持先岩!

留言

會員
我要評論
請按此登錄後留言。未成為會員? 立即註冊
  • Borman Chan
    Borman Chan 於 03/06/2018 評論 NO. 1

    算啦呢3件粉皮,睇到佢哋個名都已經知收得皮啦!搵呢3隻野同上次果3位比?冇可能😲

快捷鍵:←
快捷鍵:→