【回到未紅時】『美國隊長』Chris Evans都黎過香港拍戲?!

方丈 於 13/05/2019 發表 收藏文章
上個月,「蟻俠」Paul Rudd係清談節目The Graham Norton Show中慘被主持人踢爆不為人知既「黑歷史」,所謂「黑歷史」係指佢係港產片《特警新人類2》中既演出,其中一幕「蟻俠」講住一口唔鹹唔淡既廣東話更令全場爆笑!
loading



除左「蟻俠」之外,其實『美國隊長』Chris Evans都曾經黎過香港拍戲!呢套戲就係2009年上映既《超能風暴》,雖然呢套戲並唔係港產片,但大部分場景都係香港實景拍攝,攝製隊仲深入本地既街市、海鮮街同大排檔進行拍攝,身為香港人睇完必定會倍感親切!至於劇情就係講述某神秘組織進行人體實驗,試圖將超能力注入人體內,並將人類變成武器,Chris Evans係劇中飾演一位可以利用念力移動物件既超能力者Nick(呢個設定令貧僧聯想起緋紅女巫),佢企圖擺脫神秘組織既操控,其後更意外發現摧毀組織既秘密,因而惹來各方既追殺!
當年仲未成為『美國隊長』Chris Evans曾來港拍攝《超能風暴》

《超能風暴》拍攝既時候亦都起用左唔少為人熟悉既香港演員,例如向佐、劉玉翠、車保羅、林盛斌同李漫芬等。
向佐(右)
車保羅

另外,除左隊長之外,原來幾位演出過Marvel電影電視系列既演員已早係《超能風暴》中合作過!

Djimon Hounsou
Djimon Hounsou係《銀河守護隊》同《驚奇隊長》飾演反派「追尋者」克勞斯;佢係《超能風暴》中就飾演一位可以操控他人意志既超能力者,更係劇中同Chris Evans有多場對手戲!

溫明娜
溫明娜係《神盾局特工》中飾演Melinda May;係《超能風暴》中就飾演一個名為「靈嗅者」的超能力女子!

Corey Stoll
Corey Stoll係《蟻俠 》飾演反派Darren Cross,身穿「黃蜂戰衣」的他更是「蟻俠」的死敵;至於他在《超能風暴》中就飾演一位名叫Agent Mack既小角色

在最後奉上電影既精彩片段
PUSH HD - Telekinetic Gun Fight

Nick Grant Chris Evans Getting Attacked - Push 2009

留言


請按此登錄後留言。未成為會員? 立即註冊
    快捷鍵:←
    快捷鍵:→