吳卓羲「接班人」大對決:伍允龍vs周柏豪

方丈 於 13/12/2018 發表 收藏文章

衝動、魯莽、「正義撚」同性格火爆用黎形容吳卓羲出演過既角色就最適合不過,事關阿Ron成日都會扮演一d性格衝動魯莽既警察角色,比如係《學警系列》、《叛逃》同《飛虎之潛行極戰》入邊,阿Ron通常都會因為衰衝動而令行動失敗,繼而比人停職,配合埋佢既咬牙切齒既表情同激昂既聲線,搞到成件事都好衝動!但近年阿Ron主力北上發展,呢d「衝動的風采」買少見少,與此同時,近年大台就出現左兩位「衝動派」接班人頂替阿Ron既位置......
周柏豪
如果要用一個字黎形容周柏豪既演技,咁個字就係「大」。周柏豪既演技總共有兩「大」,分別係大聲同埋大鼻窿,無論係《使徒行者2》同《再創世紀》中,呢兩都係佢獨特既標誌,尤其講對白時鼻窿會同時擴大,令人印象深刻,加上「炆薑」咁既表情同激昂既聲線,成為新一代「衝動派」掌門人實在係當之無愧!

不過,柏豪近日就遇上一位超強對手既挑戰......佢就係伍!允!龍!喇!
伍允龍係動作演員出身,好難擺脫個股滲到入骨既粗豪氣質,近排播出既台慶劇《兄弟》就盡顯佢衝動既本色,佢係戲入面既性格衝動魯莽兼脾氣火爆,成日想用拳頭解決問題、多次歇斯底里既咆哮、打人時咬牙切齒面目掙獰,就好似一隻想食人既恐龍咁,如果有朝一日Marvel搵香港演員拍戲,港版Hulk一定非伍允龍莫屬....其實比起兩年前出演《城寨英雄》,伍允龍既咬字清晰左好多,演技算有進步,唯獨是佢個d歇斯底里、仲嘈過抖音既咆哮就真係過曬火......

究竟邊一個先係你心中既新一代「衝動派」掌門人

如果喜歡我們的文章,請即分享到︰

標籤: 伍允龍  周柏豪  吳卓羲  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→