八、九十後都必定睇過呢套武俠動畫片!!! 精選 推薦

近期係無線播映既《射鵰英雄傳》又再掀起武俠片既熱潮，筆者已經多年未睇過關於武俠題材既電視節目，所以新版既《射鵰》亦勾起左筆者細個睇武俠片既回憶，但筆者今次想講既並唔係《射鵰》，而係《射鵰三部曲》中既第二部曲──《神鵰俠侶》。
相信唔少八、九十後都睇過呢套動畫版既《神鵰俠侶》，呢套由日本動畫公司聯同香港無綫電視附屬公司翡翠動畫聯合製作既卡通片當年都吸引左唔少觀眾收看，動畫版既《神鵰》分為三部曲，分別有《古墓奇緣》、《 襄陽風雲》同《十六年之約》，相信好多人都知道劇情，筆者在此就不詳述喇，而講到令筆者印象深刻既必定係動畫呢一幕:

呢幕講到李莫愁追殺楊過、程英同陸無雙，忽然有位阿伯(p.s 呢位阿伯應該係黃藥師既徒弟、黃蓉既師兄馮默風)出現出手相救，個阿伯同李莫愁打起上黎，仲用火燒爛李莫愁件衫，搞到後者胸都露埋出黎，但楊過好有風度快快手掉件衫比佢遮住，咁體貼唔怪得之咁多女圍住啊過兒轉啦!
阿伯一開始已經色迷迷咁望住李莫愁

動畫版既小龍女其實畫得幾靚~~

動畫既主題曲仲要係曾經扮演楊過既華仔唱，應真威水!
《神雕俠侶》MV 真愛是苦味 劉德華
唔知大家仲記唔記得呢套動畫呢?
雕兄:呀~~~