仙氣女神?淺談幾個被人玩爛咗嘅用語 

方丈 於 27/12/2020 發表 收藏文章
近年係社交媒體睇新聞睇到d標題都係大同小異,老衲特此就歸納左一堆網絡編輯常用既字黎做下介紹,睇下你地又覺得呢堆字係咪「老是常出現」?

翻版/港版XXX
loading
呢個應該係娛聞編輯最愛用既形容詞,基本上每次睇Facebook,你都會見到用呢個用詞做標題嘅相關新聞,呢個形容詞通常會用係一d新進女星或者著名嘅IG用戶身上。根據老衲既非正式統計,近年出現次數最多既相關形容詞似乎係「翻版周子瑜」,基本上你只要係搜尋器search下呢個字就會彈出一大堆有關「翻版周子瑜」嘅新聞,娛聞編輯通常都會用「正貨」同「翻版」同時擺係Cover度,再用emoji遮住後者既樣貌,藉此勾起讀者既好奇心,從而點擊連結觀看相關新聞,但如果新聞的形容與讀者的期望有明顯的落差時便很容易會引來差評,甚至連帶「翻版」個位都俾人罵埋一份,近排成為熱爆話題既《全民造星3》,其中一位女參賽者鄭嘉欣被傳媒形容為「翻版石原里美」,但唔少網民對此並不受落,鄭嘉欣亦因為咁而被部分網民批評⋯⋯
loading
女神/仙氣
呢兩個用詞又係「老是常出現」,兩個用詞有時又會被組成為「仙氣女神」,配得上呢個形容詞嘅女仔應該都係清麗脫俗,即使唔係仙女下凡都係萬中無一掛?結果呢?而家只要有眼耳口鼻都係女神㗎喇,用effect加d霧氣咪似有仙氣囉!
暴動
如果有睇開台灣媒體嘅朋友相信都唔會對呢個用詞感到陌生,基本而家三日唔埋兩日就會有「網絡暴動」既新聞出現,條女著得sexy低胸d就暴動,有台灣網民就對呢個用字批評道:「新聞標題動不動就在網暴動,就一個普妹是在暴動什麼東西?網是誰?誰暴動了?記者腦袋到底裝了什麼?有沒有掛?」而「網暴動」呢個字亦會用係當地既政經新聞上,個字既意思當然係話班網民反應好熱烈喇,不過事實係咪咁就不得而知喇!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→