【觀後感】《異形：聖約》: 雖能解答謎題，但劇情設定上有Bugs

留言

• 閒雲野鶴 於 18/05/2017 評論 NO. 1

  個人認為咁多位 "門徒" 同前艦长嘅描述過份平淡、貌似蠢鈍都係一種刻意嘅安排。當你諗返導讀 "最後晚餐" 有人啃親之後由生化人出手相助一幕、生化人隨手掉低人類胚胎嘅一幕、兩位生化人 "巴打" 傳授吹簫技巧嘅一幕、生化人教導新生異形擺出十字架姿勢一幕... 等，都係強調緊一件事: 未來嘅人類係有好高嘅科技，但係生化人嘅優秀卻係人類遠遠所比唔上。("追物主你會死、但生化人我唔會"，一開波就講呢件事)，如果啲人類角色太醒、抵抗力強橫，係附合觀眾想法，但未必令你覺得自己身為人類其實冇科技喺手嘅話，真係好弱小。

• 閒雲野鶴 於 18/05/2017 評論 NO. 2

  關於冇面罩落機嗰個問題，我認為大家係用咗現代人嘅標準去評論。異形嘅世界入面，人類不單止倚賴科技、生化人，佢哋仲有一部超級電腦Mother，如果佢分析結果係安全，相信當中嘅人類冇幾多人係會懷疑 (除左女主角囉)，因為乜春都信晒佢啦嘛。其實呢部仲影射咗某啲人類嘅惡習: 喺大自然環境之下食煙、掉煙頭嘅嗰兩個人，最後都死於非命嘅。

• 閒雲野鶴 於 18/05/2017 評論 NO. 3

  小編話呢部戲解答咗好多嘢，我個人認為就唔係真係有啲咩解答咗。我睇完反而有更多問題需要去搵答案。例如: 大衛用黑水剷平咗工程師種族，人數眾多，衍生出嚟嘅異形生物十年之間去晒邊呢？