【包飲包食】充滿美式風味的BurgeRoom 精選

復活節假期，最啱就係約埋三五知己行街、食下好嘢喇！之前有同事試過銅鑼灣Burgeroom，見佢真係幾大份，於是前日約咗P小姐一齊去試下喇～

對於唔熟銅鑼灣地區嘅人嚟講，Burgeroom位置都幾難搵，大約係當晚我哋大約7點半去到，遠見門口已經排長龍～ 大約等左5~10分鐘就有位，比想像中算快有位！

只見店入面地方唔算大，而且仲坐得好迫！

漢堡包款色幾多，主要分牛肉、海鮮同蔬菜三大類～

仲有沙律同油炸小食類，揀好心水食品後，就好似平時去Mos Burger一樣，自己去買飛落order，之後由店員送到枱前～

我哋就揀咗依度最多人叫嘅 Foie Gras Burger，麵包鬆軟、鵝肝甘香又唔會太細塊、漢堡扒亦唔會太咸，咬落去仲好Juicy！

另外，我哋仲叫左一個 Mega Cheese Burger，依個漢堡肉會厚少少，肉質會比較鬆亦比較咸！

食burger當然唔少得以叫薯條喇～ 我哋點咗芝士薯條，一定要趁熱食，否則凍咗之後會冇咁好味！

飲品方面，出奇地有好多種咖啡選擇，我同P小姐都揀咗Cappuccino，但一入口就覺得苦到飛起，就算叫咗店員加甜，仍然偏苦，而且奶嘅比例比較多！42蚊一杯有D唔值！

埋單每人大約＄180蚊左右，都算偏貴，但勝在有美式風味。食嘢期間都有好幾個外藉人事排隊！
【總括食評】

味道：都OK，最好味都係 Foie Gras Burger
環境：地方好細，坐得好迫，出入都有問題，所以唔會想坐得耐
服務：店員都忙到飛起，但仍保持良好態
衛生：迫到睇唔到地下污唔污糟，但枱面一定有抹抵食：麻麻地，試一次就夠！

★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持，就係我嘅原動力，請畀個LIKE我喇～
個人Facebook Fan Page: https://www.facebook.com/Mind2Wild

歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆