【影評】戰狼300：帝國崛起 《值79分》( 300: Rise of an Empire) 精選

希臘神話、史詩式戰爭片從來都係包包嘅至愛！由《帝國驕雄》Gladiator、《人.神.魔戰》Clash of the Titans、《天魔戰神》Immortals 到《戰狼300》，我通通都睇過哂！

等咗咁耐，終於等到《戰狼300：帝國崛起》上畫。就算最近病咗，都要碌去睇呀~


【電影故事大綱】希臘將軍泰米斯托克利斯試圖透過主導戰爭，統一希臘，為大戰帶來重大變數。泰米斯托克利斯要在大戰中力抗由人變神的薛西斯、及復仇心重的波斯海軍指揮官阿特美西亞率領的波斯人大舉入侵。

【包包觀後感】一開始，電影採取第三者敍述形式交代事件，導演再利用上一集某 D 片段串連今次故事嘅開端。


前半個鐘提及『馬拉松戰役』，亦後所有事嘅導火線。 而打鬥場面，快、狠、血腥 (D 血係咁噴出嚟~ 其實比起《恐懼鬥室》，我覺得唔算血腥)，睇到我熱血沸騰 ！鍾意官能刺激嘅朋友，應該會鍾意依部戲！


【伏線】『馬拉松戰役』中，希臘大軍突襲成功，泰米斯托克利斯一箭射死當時波斯大帝大流士！亦因為咁種下禍患。10年後，大流士個仔薛西斯為咗報復，出賣靈魂成為邪王，誓要雅典變成灰燼。(其實點解唔射多一箭！打仗從來都係斬草要除根架喇~ 唉...睇故唔好駁故，算~)

男主角明知唔夠打，所以去斯巴達要求佢哋加盟！但歌果皇后拒絕咗。睇到依度，我先開始搞清個時間軸，其實同上集係平行時空。今次《帝國崛起》有少少係補充返上集周邊國家局勢...嚴格嚟講，可以係偏向《戰狼300》前傳！不過我一開始就咁睇電影大綱完全以為係續集 =_="

前邦女朗 Eva Green 飾演波斯海軍將軍嘅Artemisia，片中化妝、服飾、身手佳一絕！而佢嘅身材亦都好正！A__A


【主線-海上戰爭】相比上一集，戰爭場面無擬更浩大，特技更多。今集主場發生係愛琴海及薩拉米灣。希臘無論兵力或船艦都比波斯少幾倍，想要打贏，男主角巧妙運用唔同報陣去攻打敵軍，感覺就似睇西方版嘅《三國演義》。可惜，火燒連環船依招就被Artemisia用咗~


【結局】有少少爛尾，男主角同Artemisia單打獨鬥，只係互片咗幾下，Artemisia遠見斯巴達王后出海軍增援，就即時謝哂皮被人打敗....有冇咁屎波? 之前係描寫佢係最強戰士培訓出嚟！

不過整體嚟講，我會畀79分！佢打破咗「Trailer 好睇，入場實唔好睇』嘅呃運，鍾意睇打仗、特技，可以入戲院一睇。但對西方歷史有興趣嘅人，我就勸你唔好信哂電影入容，不境電影劇本永遠都係改編返嚟~ 而且，事後我上網爬咗一D 資料，入面有部份係歪曲咗歷史嘅。

【歷史真相】
誤：電影入面，講斯巴達唔鍾意外族來往，所以拒絕加入希臘大軍！

正解：早在馬拉松戰役前大約20~30年，雅典人喺斯巴達國王嘅幫助下驅逐咗暴政嘅希庇亞斯，由另一位貴族克利斯提尼（Cleisthenes）獲得政權，實行民主統治。
其後約公元前490年，大流士打算扶植起希庇亞斯在喺雅典嘅傀儡政權，以便孤立繼而併吞斯巴達，最終侵佔整個希臘。

波斯艦隊先朝著埃雷特里亞駛去。眼看戰爭迫在眉睫，埃雷特里亞人決定奮起抵抗，守衛自己城市和家園，為此，他們向雅典派出使者請求援助，雅典人同意了。雅典人在組織軍隊嘅同時，也派了使者前往斯巴達和普拉蒂亞請求支援，斯巴達和普拉蒂亞都表示同意，普拉蒂亞人立刻準備了一支約為1,000人的隊伍，但斯巴達人由於受了卡尼亞節（類似宗教性質的活動）的限制，他們必須在9月中旬滿月期過後才能出兵。 (資料來源：http://bit.ly/1fh8c35 )


★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持，就係我嘅原動力，請畀個LIKE我喇～
個人Facebook Fan Page: https://www.facebook.com/Mind2Wild

歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆