【Widget】爆笑過《攞你命3000》嘅 《Yahoo好時光行動配件》

莎包Mind Too Wild 於 14/11/2014 發表 收藏文章
正所謂「一機在身,天下我有!」智能手機已經成為日常必定要有嘅嘢!出街無帶手提真係仲慘過無帶銀包呀~

據早前《蘋果日報》報道 ,台灣民眾平均每日用手機上網197分鐘,上網時間為各國之冠,而我哋香港則排第14名 (平均每日用162分鐘),所以台灣奇摩推出了【Yahoo好時光行動配件】,其設計仗心獨韻,抵死程度勁過聞西嘅《攞你命3000 》,感覺好似叮噹法寶一樣,仲用咗一句好正嘅Slogan:「生命就該浪費在你的手機上」,反諷刺得嚟又中哂要害!大家一齊睇下有D咩配件~

【Yahoo 找得到手機殻】
女仔出街點都要拎手袋,而且袋入面仲會應有盡有(我嗰袋被朋友稱為黑洞,因為袋咗D嘢入去一定搵唔返XD),所以電話一響,要搵返出嚟都幾難。「Yahoo 找得到手機殻」特有最容易找到嘅黃金尺寸,徹底解決搵唔到手機嘅困擾,如­果仲係搵到,佢哋特別開發Plus版、Jumbo版,有咗佢,唔會再搵唔到!

【Yahoo握得住戒指】
有好多嘢想捉都捉不住,可能更加容易流走,就好似手機,一個跣手,爆Mon機會大到爆!
「Ya­hoo握得住戒指」讓你再也不怕握不住,無論怎麼失手,手機都會安全地回到手上

【Yahoo Glasses】
「你做初一我做十五,你用火水我用電油」,既然有Google Glasses ,當然會有Yahoo Glasses喇,唔鍾意用大mon但又想睇嘢清楚D嘅朋友,依個就啱哂你~ XDD

【Yahoo歡樂一百點】
人懶起上嚟,真係可以去到好盡!有冇諗過,慵懶攤屍咁攤喺梳化上面,連手都唔郁都可以控制手機? 依家只要戴上「Yahoo歡樂一百點」,只要微微郁下個頭,就能夠控制手機,甚至玩神魔之塔轉珠都仲得!完全「霍金mode」呀~

【Yahoo文青書套】
其實個product 名叫「偽文青書套」會仲貼切,啱哂上堂時上網打機用!

【Yahoo一路好走導航】
由於有無數仆街事故,起因都係因為低頭族只顧碌手機而唔睇路,而「一路好走導航」採用特殊雙面反射鏡,能忠實呈現路況;即使一邊行一邊上網/whatsapp/打機掂都好,都能睇清前面路障,從此開開心心出門,平平安安回家!

【Yahoo到站提醒牌】
身為資訊狂嘅你,從不錯過任何訊息,但成日因為低頭喪碌手機太入迷而唔小心坐過站?「Yahoo­到站提醒牌」,只要從手機輸入站名,就會顯示喺頭上嘅扇葉度,實吸引到好心人嚟提醒你落車XD。

【Yahoo搭車拉環】
港鐵幾時都咁多人,仲好多時無嘢扶。唔L 怕,「搭車拉環」既可以幫你扶穩,仲可以一邊上網添~

【Yahoo】觸控餐具
一邊係餐具、另一邊係觸控筆,還有餐盤畀你放手機。睇嚟已經無乜嘢可以阻到人類上網喇!

【Yahoo情侶遮】
落雨水乜驚呀?一遮兩用,既可以遮風擋雨,又可以同情人一齊上網煲劇/睇戲,仲唔怕淋濕部手機添~

【Yahoo第三隻手】
第三隻腳唔係人人都有,不過依家人人都可以有「第3隻手」,咁你就可以放心一手拎住杯Starbucks扮中產,一手係度勁掃部手機啦XD

【Yahoo密室頭套】
想睇ThisAV,又怕畀人𥄫到,除咗䁥入房/廁所睇之外,依家多一個選擇,用咗依個密室頭套,加個earphone,完全盡入無人之境,蒼井空係屬於你了!

其實仲有幾個未講,但寫到依度,阿包我好攰!我會將其他放上我嘅Facebook Page上面,你哋就嚟睇下,順便Like下我個Page 喇!陰公豬嘅我無錢落 FB Ad 㗎 T^T

★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持,就係我嘅原動力,請畀個LIKE我喇~
個人Facebook Fan Page: https://www.facebook.com/Mind2Wild

歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→