【影評】發人心省嘅《超越潛能》Transcendence

莎包Mind Too Wild 於 12/05/2014 發表 收藏文章
先要多謝「電影頻道Movie Channel」贊助換票証,等我可以免費去睇依套戲。其實包包細細個由《幻海奇緣》開始已經鍾意Johnny Depp ,因為佢本人有一種獨特嘅科幻感,任何一個科幻古怪角度,只要佢先發揮得到固有神髓!自《獨行俠》之後,等咗好耐,終於等到Johnny嘅新作。

【故事大綱】
卡威博士(尊尼特普 飾)是當今最頂尖的人工智能科學家,正在研發一部有感知能力的機器,能集結全人類的智慧與複雜情感,創造出超越人類且有自我意識的超級電腦。這項驚天動地的研究令卡威一舉成名,但同時令他成為反科技極端分子的頭號對付目標!極端分子為了阻止卡威不惜致他於死地,卻反而造就了這科技的誕生—在妻子伊芙蓮(莉碧嘉荷爾 飾)的幫忙下,卡威超越了死亡,結合終極人工智能,自此他的思想、情感、力量有如鬼魅般無所不在,而他的渴求也與日俱增,可怕的事接踵而來,一發不可收拾......

【包包觀後感】
依套戲嘅主旨係想帶出科技可以畀人類好多方便,亦可縮短地域距離,甚至可以幫助醫學革新,為人類對抗各種先天及後天疾病。但隨著科技越嚟越發達,科技卻令人與人之間嘅距離變得越來越遠。就好似生常生活中,我哋好多時明明坐喺隔離都要用選擇用Whats app、Line、Facebook message嚟溝通,都唔願意打個電話或面對面交流⋯⋯然而女主角Evelyn 則想透過科技,令世界變得更美好~


佢嘅人生伴侣及人工智能科學家Dr. Will Caster 卻認為要先研究宇宙嘅本質~ 人同機械嘅分別,在於人類係有意識及情感!但⋯⋯到底,人類嘅意識喺邊度嚟嘅呢?關於依一點,科學未必有最好一個演譯,但宗教上或許搵到答案。若果你對佛教有少許認識,都知到佛學其實係包含哲學、宇宙學等範疇。佛家認為意識係「八識」之一,意識則係第六識,具有認識抽象概念嘅功能,而前五識中有一識起作用,意識便同時俱起!


然而,總有部份人反對高科技,戲中以Bree為首嘅R.I.F.T. 反科技組織發動恐怖襲擊,將所有研究人工智能嘅人員一一殺死!Johnny亦不幸身中輻射毒,只得一個月壽命!


對於至愛即將死亡,你為咗挽救佢,可以去到幾盡?Evelyn 就將PINN連接瀕死嘅Will,更將佢嘅意識上傳系統之中。


雖然成功咗,但好友Max卻開始發覺PINN嘅意識未必係真正嘅Will⋯⋯

到底,依一項人工智能係咪成功?戲中無明確講明,只係留低好幾個 hidden messages 等觀眾自己思量。

Hidden message (1): Will 變成"神"之後,運用人工智能突破現有納米技術,可幫助盲人重見光明,甚至起死回生 。

Hidden message (2): 當Evelyn發現其中一個研究室有人體肢體,先驚覺Will係度自我肉體重組,最後竟然可以生鈎鈎行出嚟


Hidden message (3): 納米蟲子可透過水再蒸發上天,再變成雨水偏播地球每一個角落。而納米蟲更可以令被污染嘅水淨化。

Hidden message (4): Evelyn為咗要制止Will嘅野心,不惜以自己身體運毒,等Will 將佢意識上載時同步令病毒感染Will,可惜被Will識破。喺生死最後一刻,Will最後都係決定尊重愛妻,upload 病毒,Evelyn最後一句話,示意依個始終都係自己所認識嘅Will。(依度有少少混淆大家耳目)

綜合分折,包包覺得超級電腦並唔係真正嘅Wills !其實大家只要諗返一開始演講嗰部份,Max 係講過要透過科技去"save lives",同時Evelyn 演講時亦都講過將世界變得更美好。同時最開初,Will亦講過一句:我只係鍾意研究本質而唔係改變世界。所以,PINN所做嘅一切完全只係透過幻化成Will,再執行Evelyn嘅願望。


【總結】
依套戲好發人深省,簡單透過一個假設嘅計劃,去勸喻人類科技可帶嚟方便,亦可以帶嚟摧毀。當我哋不斷追求科技進步嘅同時,往往忘記最初嘅原意,結果自吃苦果!唔止有深度,亦留咗好多反思位畀觀眾。而且拍攝手法亦做到首尾互相呼應! 所以我會畀85分!

【番外篇】
有關納米蟲,其實係《特種部隊:眼鏡蛇的崛起 / G.I. Joe: The Rise of Cobra》內面早就提過!除咗可以吞噬一切金屬,仲可以用嚟易容~ 大家不妨上網重溫一下!

★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持,就係我嘅原動力,請畀個LIKE我喇~
個人Facebook Fan Page: https://www.facebook.com/Mind2Wild


歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→