【影評】沒有悶場的「美國隊長2」《值88分》Captain America: The Winter Soldier

莎包Mind Too Wild 於 07/04/2014 發表 收藏文章
萬眾期待嘅《美國隊長2》終於上畫喇~ 一向都有追開 Marvel 電影系列嘅我,當然盡快捧場。不過我冇揀3D嚟睇,因為睇得太多3D戲,感覺除咗字幕係立體之外,其他都冇乜分別,倒不如慳少少睇2D。


【故事大綱】
在《復仇者聯盟》一役後,「美國隊長」正在努力嘗試適應現代生活,但當神盾局的同伴遭受突如其來的襲擊時,他又再度捲入危害全球的龐大陰謀之中。「美國隊長」與「黑寡婦」聯手揭破陰謀,卻被超級殺手步步狙擊,雖得新盟友獵鷹 (The Falcon) 拔刀相助,同一時間他們卻發現真正的強敵原來是最意想不到的「寒冬戰士」


【包包影評】
對於第一集故事,我已印象模糊,但覺得比較沉悶。相比起嚟,第二集由一開始嘅跑步位,已經幾好笑,輕鬆抵死,又能帶出美國隊長驚人嘅體能!之後落嚟嘅時段,都Keep住好緊湊。


執行營救人質任務時,美國隊長發現黑寡婦擅自離開崗位,一怒之下佢質問費局長,亦開始質擬自己係咪已經唔識應依個社會。費局長解說每個人都有唔同任務,因為有D情況下,所有人都係信唔過,所以情報分隔依一點亦都係今次故事嘅主要訊息!


之後費局長同Captain透露咗一個秘密,等佢冇咁嬲。依個就係「極目計劃」,原意係透過電腦分折去偵測有恐佈份子嘅基因嘅人,從而消滅恐佈分子及活動。(感覺好似暗示現實美國政府已研究一定科技去阻止再有911事件發生)


說時遲那時快,費局長發現有D嘢唔妥,要求上頭延遲計劃,點知轉個頭費局長就被人追殺。成個追殺過程都好緊張!


追殺末段,終極Boss終於出場!佢左手同左腳都係用鋼造,而且造型有一D似忍者~

避得一次,避唔到第二次,費局長都係中伏被殺死。我心諗:咁快死咗~ 咁之後《復仇者聯盟2》點出鏡呀?


局長死後,Captain就開始展開調查,發現原來神盾局已被海德勒入侵,再搵嚟之前跑步識嘅Falon 一齊對付內奸!


其實我一早都估到邊個係內奸㗎喇~ 不過估唔到,原來終極Boss係Captain上一集已死嘅朋友Bucky! 對住昔日嘅好友,又點打得落手?有D人可惜會笑佢硬膠,但Captain冰封咗咁耐,到依家解凍醒返,所有朋友老得就老,死得就死,嗰種感覺又何尚唔慘丫?


正所謂邪不能勝正,就算搞到幾緊張都好啦,其實都預咗奸人唔可以得逞!結果睇住3架升空母艦跌落嚟⋯⋯震撼感好過《挪亞:滅世啟示》嘅洪水好多!

【總括】
- 入場睇之前,真係最好睇返第一集先。因為戲中有幾個第一集出現過嘅角色再次出現。

- 之前影費局長死咗,結果後段揭曉佢實質冇死,只係變形俠醫研發咗河豚毒,令佢出現假死狀。嗰一刻完全體會到「世事以被我看透」嘅感覺!都話英雄電影係咁老土,但依家嘅事勢唔好,所以好多人都渴望有英雄出嚟救世。依點亦係咁多人鍾意睇Marvel電影或漫畫嘅原因!

- 睇Marvel系列,其中一定要做嘅,就係等佢出哂Credits 睇埋預告先好走喇~ 有下一集嘅預告呢!大家比D耐性,記住睇埋先走喇~


★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持,就係我嘅原動力,請畀個LIKE我喇~
個人Facebook Fan Page: https://www.facebook.com/Mind2Wild


歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆


留言


請按此登錄後留言。未成為會員? 立即註冊
    快捷鍵:←
    快捷鍵:→