【影評 】沒有令人失望的「變種特攻:未來同盟戰 」X-Men: Days of Future Past

莎包Mind Too Wild 於 23/05/2014 發表 收藏文章
等咗咁耐,終於到 X-Men上演,應該係Marvel今年最後一套上演嘅英雄電影。對於 X-Men,包包總係有一個情意結。可能喺 Marvel 系列入面,X-Men 係我由細睇到大,同時亦覺得最有可能發生係現實生活。因為我深信人嘅潛能仲係有待開發,基因異變又有乜咁出奇?!

【故事大綱】
由「二十世紀福斯影片」榮譽發行,全球期待MARVEL世紀片霸《變種特攻:未來同盟戰》(X-Men: Days of Future Past),為2014暑假揭幕,展開強橫戰幔!變種特攻中各位新舊老中青團員終極大合體,跨越時空並肩作戰,拯救變種人未來的命運。三集《變種特攻》及《變種特攻:異能第一戰》所有重量級角色,史無前例齊聚一堂,結合兩代變種特攻的戰力,展開有史以來最浩瀚和強勁戰鬥;他們如何改變過去歷史,方能拯救未來變種族群的存活?

【包包觀後感 - 無乜劇透】
今天除咗大卡士大陣容,賣點之一就係有范冰冰!傳媒報導懶係勁,但我同同事一早已經私下開盤,估佢出場會有幾耐,仲要係用「秒」去做單位,認真mean。講真,近幾年係進軍荷里活嘅中國女影星之中,我比較睇好李冰冰!佢喺《 生化危機之滅絕真相》一戲,無論表演、對白(即係英文程度)、出場時間,遠比范冰冰好!唔係咩?你睇《Iron Man 3》,范小姐出場只得幾秒,仲要無乜對白,最慘仲要只出現喺中國版。今次喺X-Men 出場係耐少少,但完全同啞嘅無分別~


再講下另一個配角 Warpath! 我對依個角色嘅認識係零,因為無追過漫畫版!只覺得佢好鬼似蘇永康,你哋話係唔係?XDDDDD


好啦好啦~ 講返電影內容,今集可以見返咁多集X-men演出過嘅演員,唔止令一眾Fans興奮無比,劇情亦無令人失望!要笑位有笑位,要經典有經典,要特技有特技!最令人讚嘆嘅一場,莫過於 Quicksliver入五角大廈救磁力王。好笑得嚟,D特技好細膩!完全可以令觀眾感覺得佢嘅光速世界~


至於,妖后Jennifer Lawrence演技越趨成熟,比起《X-Men: First Class》時,情感演繹拿捏得更好!


Wolverine向來都係電影系列擔任主角,比起雷射眼Scott,佢嘅可塑性更高!今集亦因為佢有自癒能力,成為穿梭過去同未來,拯救同類嘅關鍵人物!港漫有云「成也風雲,敗也風雲」,今次真係:「成也狼人,敗也狼人」~


講到依度,再深層次講一下劇情。今次X-Men故事籃本用上年代最Hit 嘅穿越手法!為阻止煞天怒機械人而回到過去,嘗試改變歷史嘅「因」而改變未來嘅「果」,牽涉平行宇宙時間旅行祖父悖論等等理論,善用咗具爭議性嘅話題,就算睇完套戲,仍給予觀眾戲後討論、研究空間。完全同其他Marvel系列唔同!就好似⋯⋯講打鬥場面,必定《美國隊長2》最好睇! 而《蜘蛛俠2決戰電魔》呢?則係CG最正!不過我可以話,劇情嚟講, 必定係今次嘅Xmen 最好!


【總括】
無論客觀或主觀嚟講,今次點都要畀90分!真係無後悔去睇3D (依家睇3D好貴架)~
仍然都係嗰句喇~ 睇哂 D 字幕先好走!係有嘢睇,但睇完個人會呆呆地 (因為唔知佢想表達D咩,有人話係交代點解有古文明)
Marvel 係咪唔再拍 X-Men系列?一定唔會喇~ 網上都有料,暫定2016年5月會上 《X-men: Apocalypse》,各位Fans 又要慢慢等喇!

★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆
你嘅支持,就係我嘅原動力,請畀個LIKE我喇~
個人Facebook Fan Page: https://www.facebook.com/Mind2Wild

歡迎大家跟我聯絡啊~
Email: mind2wild@gmail.com
★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆★ ☆

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→