高先係良心電影公司，投資嘅戲發行嘅戲都盡量要支持。不過偏偏高先引入的電影又唔算好合我口味，之前Woody Allen嗰套〈情迷紐約下雨天〉小品形式就好好，但講到大家都好鍾意嗰啲聽落好勁嘅大片例如〈神探白朗〉我又麻麻地，今次〈叛譯同謀〉其實起初都有嗰陣味。.
套戲整體中前段唔太Buy，後面又幾好睇。條大橋係勁吸引喎，成班人，困獸鬥，有人泄密，你估佢做我估你做，但呢part亦係我覺得拍得最差。放心，無劇透我唔會講細節爆真兇。個過程又係睇到我好唔耐煩，懶懸疑又做唔足氣氛，嫌佢小題大造，禁室培育無問題但開晒槍死晒人喎… 翻譯啫揾食啫做正當文化生意啫… 玩到太過火有啲無癮。嗰陣柒味，拍得住當年奇片〈Exam〉，去見工做卷打晒交咁，乜料… 完全揾戲做唔多現實。
但〈叛譯同謀〉後段又好好睇喎，原來要捱嘅套戲。其實好睇在搞完一大輪唔知做乜之後，終於解謎，拆橋扭橋再拆橋扭橋，我buy，真係〈死無對證〉嗰種你信完佢但再拉闊畫面睇多一啲嘅扭，唔係〈神探白朗〉嗰種一下直接出真兇(但唔知點解俾人講到咁神)。同埋更好睇嘅係個故事意義，講文字人嘅悲涼，同出版社嘅亦敵亦友關係。一套表面睇落去係懸疑嘅片背後竟然有個咁有意思嘅終極意義，真係將套戲提升咗去另一個境界。其實真係俾佢面嗰浸marketing厄咗，用錯focus去睇搞到對前面感覺都幾差，好彩後面力保不失，所以都會推薦俾大家。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台
請按此登錄後留言。未成為會員? 立即註冊